Aqmola oblysynda mototsıklshi jol apatynan kóz jumdy
KÓKShETAÝ. QazAqparat - Aqmola oblysynda mototsıklshi jol apatyna ushyrap, aýrýhanada kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 31 mamyrda «Kókshetaý – Omby» avtojolynyń boıynda «Kókshetaý-2» stansasynyń tusynda Racer mototsıkili jol apatyna ushyrady. Elorda turǵyny 41 jastaǵy mototsıklshi rýlge ıe bola almaı, qısyq syzyqty brýsqa soǵyldy.
«Mototsıklshi Aqmola oblystyq aýrýhanasyna jatqyzyldy. Alaıda, er adam jansaqtaý bóliminde kóz jumdy», - dedi vedomstvodan.
Osy rette, tártip saqshylary mototsıkl júrgizýshilerine arnaıy qorǵanys kıimderin kııýge jáne jolda júrgende saqtyq sharalaryn esten shyǵarmaýǵa shaqyrady.
