Aqmola oblysynda mopedpen adam qaǵyp ketken: úsh adam aýrýhanaǵa tústi
KÓKShETAÝ. QazAqparat - Aqmola oblysynda moped mingender jaıaý júrginshi qaǵyp ketti. Túrli dene jaraqatymen úsh jasóspirim aýrýhanaǵa jatqyzyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, jol-kólik oqıǵasy Ereımentaý aýdanynyń Siletti aýylynda bolǵan. Bul týraly mamyrdyń 21-de saǵat 22:53 Ereımentaý aýdandyq PB kezekshilik bólimine Siletti aýyldyq okrýginiń ákimi habarlady.
«Mamyrdyń 19-y kúni saǵat 22:10-da Gagarın kóshesimen kele jatqan17 jastaǵy júrgizýshi «Hummer» mopediniń rýline ıe bola almaı kámelettik jasqa tolmaǵan jaıaý júrginshini qaǵyp ketken. Sonyń saldarynan júrgizýshi, onyń qasyndaǵy jolaýshysy men jaıaý júrginshi túrli dene jaraqatymen aýrýhanaǵa tústi. Sondaı-aq, kólik júrgizýshiniń kýáligi men kóliktiń qujaty bolmaǵan», - dedi vedomstvodan.
Qazirgi kezde, osy oqıǵa baılanysty QR QK 345-baptyń 2-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotqa deıingi is júrgizýdi bastady. Tergeý sharalary odan ári jalǵasýda.
