Aqmola oblysynda metall urlaǵan 24 kúdikti ustaldy
KÓKShETAÝ. QazAqparat - Aqmola oblysynda úsh kúnniń ishinde temir-tersek urlaýǵa qatysty 16 oqıǵa tirkelip, 24 kúdikti ustaldy, dep habarlaıdy QazAqparat tilshisi oblystyq PD silteme jasap.
Vedomstvonyń málimetinshe, mamyrdyń 27-29 kúnderi aralyǵynda óńirde «Metall» sharasy ótti. Aktsııa barysynda qara jáne túrli tústi metall qabyldaıtyn 108 oryn tekserildi. Tekseris qorytyndysy boıynsha polıtseıler men ýchaskelik ınspektorlardan quralǵan mobıldi top temir synyqtaryn qabyldaıtyn 6 orynda zań buzylǵanyn anyqtady.
«Oladyń ıelerine qatysty QR ÁQbK-niń 463-baby boıynsha ákimshilik hattama toltyryldy», - deıdi vedomstvonyń baspasóz qyzmetindegiler.
Shara kezinde metall qabyldaý oryndarynyń ıelerine bireýdiń urlanǵan múlkin satyp alǵany úshin jaýapkershilikke tartylatyndary túsindirildi. Sondaı-aq, tártip saqshylary kásipkerlerge qudyq qaqpaǵy men sheńberin satýshylardy tez arada ustaý úshin birden habarlaý kerektigi jóninde keńes berdi.
Sonymen qatar, aktsııa kezinde jol-patrýldik polıtsııasy batalonynyń jáne jedel tergeýshiler bólimshesiniń qyzmetkerleri oblystaǵy avtokólik joldarynda baqylaý beketteri men mobıldi toptardy ornalastyrdy.
«Osynyń nátıjesinde 90-nan astam kólik tekserilip, Sandyqtaý aýdanynda tıisti qujattarsyz metall tasymaldaǵandar anyqtaldy. Qazirgi kezde aktsııa odan ári jalǵasýda», - dep tolyqtyrdy vedomstvodan.
.
