Aqmola oblysynda meshitten órt shyqty
KÓKShETAÝ. QazAqparat - Aqmola oblysynda meshitten órt shyqty, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimeti boıynsha, órt búgin Tselınograd aýdanyndaǵy Birlik kentindegi meshitte shyqqan.
«Búgin saǵat 10:57-ler shamasynda «112» telefon nómiri arqyly Birlik kentindegi meshittiń shatyry janyp jatqandyǵy týraly aqparat tústi. Oqıǵa ornyna jetken órt sóndirýshiler arada jarty saǵat ótkende tilsiz jaýdy aýyzdyqtady. Jalyn 50 sharshy metr aýmaqty sharpydy. Qazirgi kezde órttiń shyǵý sebep-saldary anyqtalý ústinde. Aldyn ala málimetter boıynsha órttiń shyǵýyna peshtiń murjasyndaǵy aqaý sebep bolýy múmkin», - deıdi vedomstvonyń baspasóz qyzmetindegiler.
