Aqmola oblysynda mereke kúnderi ishimdik ishken 37 júrgizýshi ustaldy
«2022 jyldyń 30 jeltoqsany men bıylǵy 2 qańtar aralyǵynda Aqmola oblysynda 37 mas júrgizýshi ustaldy. Taǵy 4 avtokólik ıesi júrgizýshi kýáliginen aıryla otyra kólik júrgizdi, sondaı-aq 9 adam júrgizýshi kýáliginsiz rýlge otyrdy. Sonymen birge, 4 demalys kúni ishinde 50 avtokólik aıyppul turaǵyna qoıyldy», - dedi polıtsııa departamentiniń baspasóz qyzmetinen.
Osy rette, polıtsııa júrgizýshilerden jol qozǵalysy erejelerin qatań saqtaýdy, óziniń jáne ózgeniń ómirine qaýip tóndirmeýdi suraıdy.
Sonymen qatar, tártip saqshylary avtokólik ıelerin kún raıynyń ózgerýin qadaǵalaýǵa, eskertýlerge nazar salýǵa, al jolda qıyn jaǵdaıǵa tap bolǵan jaǵdaıda «112» jáne «102» telefondary boıynsha qutqarý qyzmetterine dereý habarlaýǵa shaqyrady.
Aıta ketsek, Aqmola jáne Qostanaı oblystarynda boranǵa baılanysty birneshe jol jabyldy.
