Aqmola oblysynda menıngıtke shaldyqty degen kúdikpen 10 aılyq náreste aýrýhanaǵa jatqyzyldy
KÓKShETAÝ. QazAqparat - Aqmola oblysynda menıngokokk juqpasyna shaldyqty degen kúdikpen 10 aılyq náreste aýrýhanaǵa jatqyzyldy, dep habarlaıdy QazAqparat tilshisi Aqmola oblysy qoǵamdyq densaýlyq saqtaý departamentiniń baspasóz qyzmetine silteme jasap.
«Bul oblysta menıngokokk juqpasynyń balalar arasynda tirkelgen alǵashqy jaǵdaı. Sondyqtan, abyrjýǵa esh negiz joq. Qazirgi kezde, naýqas búldirshin Aqmola oblysynyń balalar aýrhanasyna jatqyzylyp, em qabyldaýda. Sábı Birjan sal aýdanynan jetkizildi. Qazirgi kezde, jaǵdaıy aýyr, jansaqtaý bóliminde jatyr», dep túsindirdi departamentiniń baspasóz qyzmetindegiler.
Búldirshinniń anasy dárigerlerdiń kómegine kesh júgingen. Mamyrdyń 26-synan bastap aýyrǵan bala tek mamyrdyń 31-i kúni túngi saǵat 00:30 aýrhanaǵa jetkizildi. Qazirgi kezde, zerthanalyq saraptama taǵaıyndaldy. Sonymen qatar, balanyń anasy men mektepte oqıtyn aǵasy da dárigerlerdiń baqylaýyna alynyp, medıtsınalyq tekseristen ótýde.
Eske sala keteıik, jyl basynan beri oblys boıynsha eresekter arasynda 1 menıngokokk juqpasy tirkelgen bolatyn. Anyqtalǵan jaǵdaılar boıynsha oshaqtarda epıdemııaǵa qarsy jáne profılaktıkalyq is-sharalar júrgizildi. Sondaı-aq onymen qarym - qatynasta bolǵandar sany anyqtalyp, barlyǵy medıtsınalyq tekseristen ótkizildi. Olardyń arasynda menıngokokk bakterııalaryn tasymaldaýshylar anyqtalmady.
Foto: i0.wp.com
