Aqmola oblysynda «Meniń kishi Otanym!» ǵylymı jobalar baıqaýy ótti
KÓKShETAÝ. QazAqparat - Aqmola oblysynda «Meniń kishi Otanym!» atty zertteý jumystary men ǵylymı jobalardyń oblystyq syrttaı baıqaýy onlaın-rejımde ótti, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.
Aqmola oblysy bilim basqarmasynyń janyndaǵy oblystyq balalar men jasóspirimder týrızmi, ólketaný jáne ekologııa ortalyǵy uıymdastyrǵan shara daryndy oqýshylardy jáne olardyń shyǵarmashylyq qabiletterin anyqtaýǵa yqpal etedi.
Oblystyq kezeńine baıqaýdyń birinshi aýdandyq, qalalyq kezeńinen ótken 13 aýdan men Stepnogorsk jáne Kókshetaý qalasynan 114 oqýshy qatysty.
«Qatysýshylardyń jumysyn Kókshetaý qalasynyń tarıhy mýzeıiniń aǵa qyzmetkerleri, Kókshetaý qalasynyń bilim berý uıymdarynyń muǵalimderi, oblystyq balalar men jasóspirimder týrızmi, ólketaný jáne ekologııa ortalyǵynyń ádiskerleri baǵalady», - deıdi uıymdastyrýshylar.
Baıqaý 4 atalym boıynsha ótkizildi: «Meniń kishi Otanymnyń tarıhy» - bul atalymynda qatysýshylar ózderiniń eldi mekenniń tarıhyn beıne reportajdar usyndy. «Meniń kishi Otanymnyń sımvoly» - bul atalymynda baıqaý qatysýshylary janýarǵa, ósimdikke, adamǵa, qubylysqa jáne taǵy basqalary týraly beınebaıan usyndy. «Meniń kishi Otanymnyń bolashaǵy» - atalymy boıynsha qatysýshylar – maket prezentatsııa túrinde jumystaryn qorǵady. «Meniń týǵan ólkem» - atalymy boıynsha qatysýshylar ózderiniń eldi mekeni týraly esse jazdy.
«Shyn máninde, maǵan qalamyzdyń tarıhy, eskertkishter, qandaı da bir tarıhı qurylystar týraly bilý árqashan qyzyqty boldy. Men osyndaı baıqaýdyń ótkizilýin kórgende, Men birden qatysýǵa sheshim qabyldadym», -dep bólisti konkýrsqa qatysýshy, Kókshetaý qalasy №10 orta mekteptiń 10 synyp oqýshysy Mılana Podvıtelskaıa.
Birinshilik qorytyndysy boıynsha І dárejeli dıplomǵa - 4 oqýshy, ІІ dárejeli dıplomǵa - 8 oqýshy, ІІІ dárejeli dıplomǵa – 8 oqýshy ıe boldy. Jumys barysynda Jaqsy, Aqkól, Býrabaı aýdandarynyń, Stepnogorsk qalasynyń oqýshylary jaqsy nátıjeler kórsetti.
