Aqmola oblysynda memlekettik jekemenshik seriktestik aıasynda 50-den astam joba júzege asyrylýda
KÓKShETAÝ. QazAqparat - Aqmola oblysynda memlekettik jekemenshik seriktestik aıasynda 50-den astam joba júzege asyrylýda. Bul týraly óńirlik kommýnıkatsııalar qyzmetinde ótken brıfıngte oblystyq ekonomıka jəne bıýdjetti josparlaý basqarmasy basshysynyń orynbasary Qanat Dúzelbaev məlim etti, dep habarlaıdy "QazAqparat" HAA tilshisi.
Basqarma basshysy orynbasarynyń aıtýynsha, memlekettik jekemenshik seriktestiktiń basty maqsaty qyzmet kórsetý sapasyn arttyrý jəne ınfraqurylymdy damytý bolyp tabylady. Atalǵan joba boıynsha Aqmola oblysynda jalpy quny 21,6 mıllıard teńgege 52 jobany júzege asyrý kózdelgen. Jobalar 3 kezeń boıynsha júzege asyrylmaq.
"Alǵashqy kezeńde 11 jobany, ekinshi kezeńde 30 jəne úshinshi kezeńde 11 jobany júzege asyrý josparlanǵan. Onyń ishinde 28 balabaqshany jóndeý jáne qalpyna keltirý jumystary qarastyrylyp otyr. Máselen, Tselınograd aýdanynyń Aqmol aýylynda 280 oryndyq balabaqshanyń qurylysy úshin əleýetti merdiger "EndlessGreenValley" JShS anyqtalyp, ashyq baıqaý ótkizildi. Atalǵan joba boıynsha memlekettiń mindetteri oblystyq məslıhattyń sońǵy sessııasynda aıqyndaldy", dep atap ótti Qanat Dúzelbaev.
