Aqmola oblysynda Memlekettik rámizder kúnine arnalǵan fotosýretter baıqaýynyń júldegerleri anyqtaldy

KÓKShETAÝ. QazAqparat - Memlekettik rámizder kúni - barsha qazaqstandyqtardy biriktiretin erekshe mereke. Osy aıtýly oqıǵanyń qurmetine Shortandy aýdanynyń Jastar resýrstyq ortalyǵynyń uıymdastyrýymen Instagram áleýmettik jelisi alańynda «Bul meniń týym» atty fotosýretter baıqaýy ótti. Bıyl atalmysh shara Qazaqstan Respýblıkasy Táýelsizdiginiń 30 jyldyǵy aıasynda ótkizilip otyr, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.

Aýdan ákimdiginiń aqparaty boıynsha fotobaıqaýdyń basty maqsaty jastardyń patrıotızmi men mádenıetin qalyptastyrý, Otan úshin maqtanysh sezimin bildirý bolyp tabylady.

Memlekettik rámizder kúnin merekeleý qarsańynda fotobaıqaýdyń qorytyndysy shyǵaryldy. Júldeli oryndar eń kóp laık sany boıynsha anyqtaldy. Birinshi oryndy Shortandy kentiniń №3 mektebiniń oqýshysy Oral Orynbasar ıelendi.

«Memlekettik rámizder Memleket basshysy júrgizip otyrǵan saıasat negizdelgen qundylyqtardy beıneleıdi. Bul - ashyqtyq, beıbitshilik, erkindik, táýelsizdik jáne kelisim. Sondyqtan, Memlekettik rámizder óskeleń urpaq úshin úlken adamgershilik mánge ıe», - dep atap ótti aýdan ákiminiń orynbasary Mereı Aqshalov.

Júldegerlerge uıymdastyrýshylar atynan alǵys hattar men estelik kádesyılar tabys etildi.

Aıta keteıik, Memlekettik rámizder kúnin merekeleý aıasynda óńirde myńnan astam túrli formattaǵy is-sharalar ótedi.