Aqmola oblysynda Memlekettik rámizder kúni onlaın rejımde toılandy

KÓKShETAÝ. QazAqparat - Aqmola oblysynda Memlekettik rámizder kúnine arnalǵan shara onlaın-rejımde ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Vedomstvonyń málimetinshe, Memlekettik rámizder kúnine arnalǵan keń aýqymdy sharalar bıyl erekshe formatta ótti. Múmkindikterdiń bolmaýyna qaramastan oblys turǵyndary ózderine merekelik kóńil-kúı syılaı aldy.

Sonyń ishinde Málik Ǵabdýllın atyndaǵy murjaı ujymy Memlekettik rámizder kúnin keńinen atap ótti. Mýzeı qyzmetkerleri ánurannyń avtory J.Nájimedenovtyń jerlesteri - Atyraý oblysyndaǵy áriptesterinen chellendj qabyldap alyp, ujym bolyp qosylyp ánurandy shyrqady.

Al, Sh.Qusaıynov atyndaǵy Aqmola oblystyq qazaq mýzykalyq-drama teatry óz kórermenderi úshin jergilikti «Kókshe» telearnasymen qosylyp chellendj ótkizdi.

Óńirdiń mádenıet mekemelerinde «Memlekettik rámizder» onlaın sholýy, «El rámizderi – el rýhy» onlaın áńgime jáne kitap kórmesi uıymdastyryldy. «Uly dalanyń uly qundylyqtary» atty kórmede memlekettik rámizderdiń tarıhy tanystyryldy.

«Mádenıet mekemeleri ótkizip otyrǵan shara memlekettik rámizderdiń tarıhı men máni týraly bilimimizdi jetildirip qana qoımaı, sonymen birge, eldiń tarıhı týraly dúnıetanymdy keńeıtip, jas urpaqtyń azamattyq kemeldigin qalyptastyrady», - dep atap ótti ádebıet jáne óner murjaıynyń dırektory Nurbek Nuralın.

Vedomstvodan atap ótkendeı, oblys aýmaǵynda ártúrli formatta myńnan astam shara uıymdastyryldy.