Aqmola oblysynda memqyzmetterdiń 91 paıyzdan astamy elektrondy kórsetiledi
Bul týraly «Antikor.Live» jobasy aıasynda ótken tikeleı efırde oblys ákimi apparatynyń memlekettik qyzmetterdiń usynylýyn taldaý bóliminiń basshysy Danagúl Jumabek málim etti, dep habarlaıdy QazAqparat tilshisi
Bólim basshysy memlekettik qyzmetterdiń sapasy men qoljetimdiligin qamtamasyz etý máselesine toqtaldy. Memlekettik qyzmetter tiziliminde qarastyrylǵan jergilikti atqarýshy organdar kórsetetin 172 qyzmet túriniń 157-si nemese 91,3 paıyzy Egov portaly arqyly júzege asyrylady.
«Memlekettik qyzmetterdiń negizgi bóligi tegin kórsetiledi, bul shamamen 86 paıyz. Aqyly qyzmetter tek ruqsat berý qujattary boıynsha júzege asyrylady, sonymen qatar azamattyq hal aktilerine áser etedi, osy jaǵdaılarda memlekettik baj salyǵyn tóleý qajet. QR Sybaılas jemqorlyqpen kúres strategııasyn iske asyrý jónindegi 2021-2023 jyldarǵa arnalǵan is - sharalar jospary aıasynda memlekettik organdardyń aldynda «jasyryn» memlekettik qyzmetterdi anyqtaý jáne olardy tıisti tizilimge engizý, sondaı-aq memlekettik qyzmetterdi barynsha tsıfrlandyrýdy qamtamasyz etý mindeti tur», - dedi Danagúl Jumabek.
Memlekettik qyzmet kórsetýdiń sapasy men qoljetimdiligin arttyrý boıynsha oblystyq jergilikti atqarýshy organdar qandaı jumystar júrgizip jatqanyn aıta kele, Danagúl Jumabek qyzmet kórsetý kezinde qandaı da bir buzýshylyqtarǵa jol bermeý maqsatynda kún saıyn monıtorıng jáne baqylaý júrgiziletinin atap ótti. Ótken kezeńde 111 baqylaý is-sharasy ótkizildi, onyń qorytyndysy boıynsha ártúrli tártiptik jazalar shyǵara otyryp, 252 usynym ázirlendi.
«Óńirdiń árbir turǵynynyń memlekettik qyzmet kórsetý sapasyna qanaǵattaný deńgeıin arttyrý biz úshin basym baǵyt bolyp tabylady. Osy turǵyda, búgingi tańda oblystyń barlyq 19 óńirinde «servıstik ákimdikter» jumys isteıdi, onda azamattar qajetti memlekettik qyzmetterdi bir jerden ala alady. Sondaı - aq, aýyldyq okrýgterde de halyqqa qyzmet kórsetýdiń «servıstik» formatyna kóshý júzege asyrylýda», - dedi ol.
Sonymen qatar, Danagúl Jumabek atap ótkendeı, aýyldyq okrýg ákimdikteriniń ǵımarattarynda, densaýlyq saqtaý, bilim berý uıymdarynda 1016-dan astam Egov.kz» ózine-ózi qyzmet kórsetý buryshtary uıymdastyrylyp, jumys isteýde. JAO-nyń quzyreti sheńberinde memlekettik qyzmetterdi kórsetý tártibi jáne azamattardan aqparattyq júıelerden alýǵa bolatyn anyqtamalardy talap etpeý týraly aqparattyq-túsindirý jumystary júrgiziledi. «Egov Mobile» mobıldik qosymshasyn paıdalaný jónindegi aqparat 229 bannerde, sondaı-aq JAO-nyń resmı ınternet-resýrstarynda ornalastyrylǵan.