Aqmola oblysynda membaǵdarlamanyń arqasynda 16,7 myńnan astam adam jumysqa ornalasty
KÓKShETAÝ. QazAqparat- Aqmola oblysynda memlekettik baǵdarlamanyń sharapatymen 16,7 myńnan astam adam jumysqa ornalasqan. Bul týraly oblys ákimi Málik Myrzalınniń tóraǵalyǵymen nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń óńirde júzege asyrylýy, sondaı-aq, qoǵamdyq tártipti saqtaý jáne quqyqbuzýshylyqtardyń aldyn alý sharalarynyń barysy talqylanǵan ákimdik májilisinde aıtyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.
Májiliske oblystyq máslıhat hatshysy Dýlat Nurmoldın, oblys ákiminiń orynbasarlary, qala, aýdan ákimderi, mekemeler men basqarmalardyń basshylary, ulttyq kompanııalar fılıaldarynyń jáne buqaralyq aqparat quraldarynyń ókilderi qatysty. Kún tártibindegi alǵashqy másele boıynsha oblystyq jumyspen qamtýdy jáne áleýmettik baǵdarlamalardy úılestirý basqarmasynyń basshysy Dına Ahmetjanovanyń baıandamasy tyńdaldy.
Basqarma basshysy óz sózinde Elbasynyń tikeleı tapsyrmasyna sáıkes qolǵa alynǵan nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn júzege asyrý úshin 4979,7 mıllıon teńge qarjy bólingenin atap ótti. Úsh baǵyt boıynsha bólingen qarjynyń 3556,5 mıllıon teńgesi ıgerilgen. Baǵdarlama aıasynda oblys boıynsha barlyǵy 16727 adam jumysqa ornalassa, onyń 74,7 paıyzy turaqty jumys oryndary. Elbasy Joldaýy men «100 naqty qadam» Ult josparynda adamdardy eńbek naryǵyndaǵy suranysqa ıe jumysshy jáne kásiptik-tehnıkalyq mamandyqtar boıynsha oqytý mindeti qoıylǵany málim.
Bul rette baǵdarlamanyń «Baǵdarlamaǵa qatysýshylardy tehnıkalyq jáne kásibı bilimmen jáne qysqa merzimdi kásiptik oqýmen qamtamasyz etý» aty birinshi baǵyty boıynsha 1190 adam 18 tehnıkalyq jáne kásibı oqytý ornynda 26 mamandyq boıynsha bilim alyp jatyr. Qazirgi tańda tehnıkalyq jáne kásiptik bilimi bar kadrlardy daıarlaý boıynsha 293 mobıldik top qurylǵan. Sonymen qatar, jumysshy kadrlarǵa eńbek naryǵynda suranysqa ıe 57 mamandyq boıynsha qysqa merzimdi kásiptik bilim beretin 25 kolledj jáne 7 oqý ortalyǵy anyqtaldy. Jyl basynan beri eńbek naryǵyndaǵy suranysqa ıe túrli mamandyqtar boıynsha 4759 adam qysqa merzimdi kýrstarǵa joldandy.
Baǵdarlamanyń «Jappaı kásipkerlikti damytý» atty ekinshi baǵyty aıasynda nesıe berý arqyly shaǵyn jáne orta kásipkerlikti damytý qarastyrylǵan. Bul baǵyt boıynsha bólingen 2805,2 mıllıon teńge qarjynyń 73,3 paıyzy ıgerilgen. Onyń ishinde oblys boıynsha aýyl sharýashylyǵyn qarjylaı qoldaý qory arqyly 407 adamǵa 1,8 mıllıard teńge kóleminde nesıe berildi. Buǵan qosa, «Bastaý Bıznes» jobasy boıynsha 938 adamdy kásipkerlik negizderine oqytý josparlanyp, qazirgi tańda oqytý kestesine sáıkes bes aýdanda alty top boıynsha (Zerendi, Atbasar, Ereımentaý, Shortandy jáne Bulandy) pılottyq rejımde oqytýdyń ekinshi kezeńi bastaldy.
Baǵdarlamanyń «Halyqty jumyspen qamtýǵa járdemdesý jáne eńbek resýrstarynyń utqyrlyǵy arqyly eńbek naryǵyn damytý» atty úshinshi baǵyty aıasynda jumyssyzdardy jáne ózin-ózi jumyspen qamtyǵan adamdardy jumyspen qamtamasyz etýge járdemdesý qarastyrylýda. Bul baǵytta 495 adamdy áleýmettik jumys oryndaryna joldaý josparlansa, ol qazirdiń ózinde 619 adam bolyp oryndaldy. Sol sekildi 652 jas maman jastar tájirıbesine joldandy. Sondaı-aq aqyly qoǵamdyq jumystarǵa 2408 adamdy jiberý josparlansa, búgingi kúnde deıin 2705 adam tartyldy. Esepti baıandamada aıtylǵandaı jańa baǵdarlamany júzege asyrý barysynda jyl sońyna qaraı jalpy jumyssyzdyq deńgeıi birshama azaıatynyna tolyq negiz bar.
Baǵdarlamanyń ekinshi baǵyty boıynsha jaryssózge shyqqan oblystyq kásipkerlik jáne ónerkásip basqarmasynyń basshysy Erbol Jaqsylyqov, oblystyq aýyl sharýashylyǵy basqarmasynyń basshysy Murat Balpan, sondaı-aq, bul baǵytta baıaý jumys júrgizilip jatqan Aqkól jəne Býrabaı aýdandarynyń əkimderi sylbyrlyqtyń sebebin túsindirdi.
Májiliste kún tártibindegi ekinshi másele boıynsha oblystyq ishki ister departamentiniń jergilikti polıtsııa qyzmetiniń basshysy Serik Baımuqanov baıandap berdi.
Onyń aıtýyna qaraǵanda, jergilikti polıtsııa qyzmeti qoǵamnyń muqtajdyqtaryn qamtamasyz etý jáne onyń bereke-birlikte turaqty damýy sekildi negizgi baǵyttaryn qamtıdy. Jyl basynan beri oblys boıynsha júrgizilgen qoǵamdyq tártipti saqtaý jáne quqyqbuzýshylyqtardyń aldyn alý sharalarynyń nátıjesinde qylmystyń sany ótken jyldyń sáıkes kezeńimen salystyrǵanda aıtarlyqtaı kemigen. Máselen, byltyrǵy jyldyń sáıkes kezeńinde 11998 qylmys tirkelse, bıyl bul kórsetkish 10415-ti qurady.
Osy oraıda, məjilisti qorytyndylaǵan oblys ákimi Məlik Myrzalın tıisti vedomstvolardyń basshylary men aýdan, qala ákimderine jyl sońyna deıin josparlanǵan sharalardy tolyq júzege asyrý baǵytyndaǵy jumystardy shıratýdy tapsyrdy.
