Aqmola oblysynda mektepke deıingi uıymdar jelisin keńeıtý josparlanǵan

KÓKShETAÝ. QazAuqparat - Aqmola oblysynda mektepke deıingi uıymdar jelisin keńeıtý josparlanǵan. Bul týraly oblystyq bilim basqarmasy Mektepke deıingi jáne jalpy orta bilim berý bóliminiń basshysy Ásemgúl Súleımenova málim etti, dep habarlaıdy QazAqparat tilshisi.
None
None

Onyń aıtýynsha, Aqmola oblysynda mektepke deıingi uıymdar jelisin keńeıtý arqyly bilim berý uıymdaryna erekshe jaǵdaılardy, ınnovatsııalardy, balalarmen jumys isteýdiń jańa tehnologııalary men ádisterin qarqyndy engizýge úlken mán berilip otyr.

«Barshaǵa sapaly bilim berý» ulttyq jobasyn oryndaý sheńberinde 6 jasqa deıingi balalardy mektepke deıingi tárbıemen jáne oqytýmen qamtýdy arttyrý maqsatynda 2022 jylǵa arnalǵan keshendi josparǵa sáıkes 1240 jańa oryn ashý josparlanyp otyr. Naqtyraq aıtsaq, 1016 oryndyq 9 mektepke deıingi uıym ashý, 9 mektepke deıingi uıymdy 224 orynǵa keńeıtý, 1 jastan 3 jasqa deıingi balalardy qamtýdy ulǵaıtý úshin 10 balabaqshany bóbekjaı-balabaqshaǵa aınaldyrý josparlanǵan.

«Qazirgi tańda bilim berý salasynyń damýyna jańa talaptar qoıylyp otyr. Sol sebepti, búgingi kúni balabaqshalar óz kelbetin qarqyndy ózgertýde. Oblysta barlyǵy 601 mektepke deıingi bilim berý uıymy jumys isteıdi. Bul 29450 bala baratyn 257 balabaqsha jáne 6308 balaǵa arnalǵan 344 shaǵyn ortalyq», - dedi Ásemgúl Súleımenova.

Mektepke deıingi jáne jalpy orta bilim berý bóliminiń basshysy atap ótkendeı, 2021 jyly oblystyń mektepke deıingi uıymdarynda 1122 jańa oryn quryldy. Onyń ishinde 784 oryndyq 14 mektepke deıingi bilim berý uıymy ashyldy jáne 338 oryndyq 15 mektepke deıingi uıym keńeıtildi. Budan bólek, 1 jastan 3 jasqa deıingi balalardy mektepke deıingi tárbıemen jáne oqytýmen qamtýdy ulǵaıtý úshin 39 balabaqsha bóbekjaıǵa aýystyryldy.

«Qurylǵan qosymsha oryndar josparlanǵan nysanaly kórsetkishterge qol jetkizýge jáne 1 jastan 6 jasqa deıingi balalardy mektepke deıingi tárbıemen jáne oqytýmen qamtýdy arttyrýǵa múmkindik berdi. Búgingi kúni 1 jastan 6 jasqa deıingi balalardy eń kóp qamtý Qorǵaljyn (97,4 paıyz), Egindikól (96,6 paıyz), Jaqsy (94,4 paıyz), Birjan sal aýdanynda (93,6 paıyz), Sandyqtaý aýdanynda (93 paıyz) baıqalady», - dep tolyqtyrdy Ásemgúl Súleımenova.

Mektepke deıingi bilim berýde mektep tabaldyryǵyn attaǵanǵa deıin balanyń jan-jaqty damý máseleleri sheshiledi. Bıznespen seriktestikti damytýdyń, bilim bólimderiniń tıimdi jáne úılesimdi jumysynyń arqasynda mektepke deıingi uıymdar jelisi keńeıtilýde.

«Aıta ketsek, 257 balabaqshanyń 120-y jeke menshik, ıaǵnı olardyń úlesi 46,7 paıyzdy quraıdy. Jekemenshik mektepke deıingi uıymdar jelisin belsendi damytý Tselınograd, Býrabaı, Arshaly aýdandary men Kókshetaý qalasynda iske asyryldy. Sondaı-aq, Shortandy, Tselınograd aýdandary men Kókshetaý qalasynda 1706 oryndyq 7 balabaqshanyń qurylysy jalǵasýda», - dep túıindedi Ásemgúl Súleımenova.


Сейчас читают