Aqmola oblysynda mektep ǵımaratyn jóndeýge bólingen aqshany jymqyrǵandar 7 jylǵa sottaldy

KÓKShETAÝ. QazAqparat - Aqmola oblysynda «Eńbek-Arshaly» fılıalynyń basshysy men merdiger kompanııalardyń dırektorlary sybaılas jemqorlyq úshin sottaldy, dep habarlaıdy QazAqparat tilshisi QR Sybaılas jemqorlyqqa qarsy is-qımyl agenttigi Aqmola oblysy boıynsha departamentiniń baspasóz qyzmetine silteme jasap.

Vedomstvonyń málimetinshe, bıylǵy jylǵy jeltoqsannyń 5-de Aqmola oblysy Arshaly aýdandyq sotynyń úkimimen QR ІІM Qylmystyq atqarý júıesine qarasty «Eńbek» sharýashylyq júrgizý quqyǵyndaǵy respýblıkalyq memlekettik kásiporny «Eńbek-Arshaly» fılıaly dırektorynyń mindetin atqarýshy K.M.Asmagıev senip tapsyrylǵan múlikti asa iri mólsherde jymqyrý jolymen urlaǵany úshin kináli dep tanylyp, 7 jylǵa bas bostandyǵynan aıyryldy.

Osy úkimmen onyń kómekshileri – merdiger kompanııalardyń dırektorlary S.S.Jamanshalov pen N.S.Jamanshalov 7 jylǵa bas bostandyǵynan aıyryldy.

«Tergeý málimetteri boıynsha, joǵaryda atalǵan adamdar 2019 jyldyń tamyz aıynan qyrkúıek aıyna deıin Arshaly aýdanynyń orta mektebiniń ǵımaratyn jóndeýge bólingen 26 499 067 teńge somasynda bıýdjet qarajatyn urlaǵan. Sottalǵandar ómir boıy memlekettik qyzmette jáne kvazımemlekettik sektorda qyzmet atqarý quqyǵynan aıyryldy. Úkim zańdy kúshine engen joq», - dedi vedomstvodan.

Aıta ketsek, Aqmola oblysynda eki elik atyp alǵan brakonerler ustaldy.