Aqmola oblysynda mekemeniń laýazymdy tulǵasyna ujymnyń qatysýymen úkim jarııalandy

KÓKShETAÝ. QazAqparat - Memlekettik qyzmetshiler arasynda sybaılas jemqorlyqtyń aldyn alý aıasynda Aqmola oblysy boıynsha Sybaılas jemqorlyqqa qarsy is-qımyl departamentiniń bastamasymen Kókshetaý qalalyq sotynyń onlaın otyrysy ótti. Onda oblystyq mádenıet basqarmasynyń tarıhı-mádenı murany qorǵaý jáne paıdalaný ortalyǵynyń laýazymdy tulǵasyna qatysty bıýdjet qarajatyn jymqyrý faktisi boıynsha sybaılas jemqorlyq qylmystyq is boıynsha úkim shyǵaryldy, dep habarlaıdy QazAqparat tilshisi.

Aqmola oblysy boıynsha Sybaılas jemqorlyqqa qarsy is-qımyl departamenti baspasóz qyzmetiniń málimetinshe, sybaılas jemqorlyq áreketteriniń saldary týraly memlekettik qyzmetshilerdiń sanasyna áser etý jáne qaıta sybaılas jemqorlyq quqyq buzýshylyqtaryn jasaýǵa jol bermeý maqsatynda sottalýshynyń áriptesteri onlaın rejıminde sot protsesin baqylady.

«Sot barysynda óńirdiń Sybaılas jemqorlyqqa qarsy qyzmetiniń Preventsııa basqarmasy basshysynyń orynbasary Erkin Ráshıdov óz sózinde memlekettik mekeme ujymyn sybaılas jemqorlyqqa qarsy is-qımyl zańnamasynyń mańyzdy normalary, Sybaılas jemqorlyqqa qarsy saıasat tujyrymdamasynyń baǵyttary jáne jobalyq basqarý tásilderi, sondaı-aq sybaılas jemqorlyq faktileri týraly habarlaǵany úshin kótermeleý júıesi týraly habardar ete otyryp, sybaılas jemqorlyqqa qarsy shekteýlerdi, parasattylyq qaǵıdattaryn jáne etıkalyq normalardy múltiksiz saqtaýǵa shaqyrdy», - dedi vedomstvonyń baspasóz qyzmetinen.

Oblystyq mádenıet basqarmasynyń tarıhı-mádenı murany qorǵaý jáne paıdalaný ortalyǵynyń laýazymdy laýazymdy tulǵasyna qatysty bıýdjet qarajatyn jymqyrý faktisi boıynsha sybaılas jemqorlyq qylmystyq is boıynsha úkim shyǵaryldy. Kinálige aıyppul túrinde jaza qoldanyldy.

Úkim zańdy kúshine engen joq.