Aqmola oblysynda medqyzmetker vaktsınatsııa tólqujatyn jasady degen kúdikke ilindi
KÓKShETAÝ. QazAqparat - Aqmola oblysynda medıtsına qyzmetkeriniń vaktsınatsııa týraly jalǵan tólqujat berýge qatysy bar-joǵyn anyqtaý úshin tekseris júrgizilýde, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, aǵymdaǵy jylǵy maýsym aıynda polıtsııa bólimshesine jergilikti medıtsınalyq mekemeniń basshysyna qatysty aryz tústi. Onda atalǵan mekemeniń medıtsınalyq qyzmetkeri «Vaktsınatsııa» aqparattyq júıesine vaktsınatsııadan ótkendegi týraly jalǵan málimet engizgeni aıtylǵan.
«Qazirgi kezde osyǵan baılanysty Qylmystyq kodekstiń 385 baby (jalǵan qujat jasaý) boıynsha sotqa deıingi tergeý amaldary júrgizilýde. Іs boıynsha tıisti tergeý jáne protsessýaldyq sharalar qolǵa alyndy. Ózge málimetter tergeý múddesi úshin jarııalanbaıdy», - dedi vedomstvodan.
