Aqmola oblysynda medıtsına qyzmetkerlerine jataqhana berildi
KÓKShETAÝ. QazAqparat – QR Tuńǵysh Prezıdenti kúni merekesine oraı Aqmola oblysynyń Egindikól aýylynda medıtsına qyzmetkerlerine arnalǵan jataqhana paıdalanýǵa berildi, dep habarlaıdy QazAqparat tilshisi oblystyq ishki saıasat basqarmasyna silteme jasap.
Jataqhanaǵa kúrdeli jóndeý jumystary aýdandyq aýrhana qarajaty esebinen júrgizilgen. Ǵımarattyń shatyry, terezesi, esikteri aýystyrylyp, lınoleým, kafel tóseldi. Sondaı-aq, jatyn, as jáne santıralyq bólmeleri jańartylyp, Egindikól aýdanynda shyǵarylǵan kereýet, jıhaz styp alyndy.
Jataqhananyń ashylýy saltanatyna aýdan ákimi Erlan Isabekov pen aýdandyq máslıhat hatshysy Begendik Ábilov qatysyp, quttyqtaý sóz sóıledi.
Aýdan ákimdiginiń deregine súıensek, jas mamandardy aýdanǵa tartý sharalary óz jemisin berýde. Bıyl aýdandyq aýrýhanaǵa 3 dáriger men 3 orta medıtsınalyq qyzmetker jumysqa qabyldanǵan. Bul aýdanda memdıtsınalyq qyzmetkerlerdiń jaǵdaıyn jaqsartý baǵytynda qolǵa alynyp otyrǵan alǵashqy baspana.
«Mereke kúnine oraı, syılyq jasaý dástúrge aınalǵan. Aýrhana men aýyl turǵyndarynyń kómeginiń arqasynda medıtsına qyzmetkerlerine jaıly jataqhana berilip otyr. Rasynda da, búgingi kúni maman tapshylyǵyna baspananyń joqtyǵy úlken áser etedi. Biz búgin jataqhana berý arqyly osy máseleni sheshýde alǵashqy qadam jasap otyrmyz. Bul aýrýhanymyzdyń materıaldyq-tehnıkalyq bazasyn jaqsartý jumystarynyń oıdaǵydaı júzege asyrylyp jatqandyǵyn bildiredi. Osy baǵyttaǵy jumystardy odan ári jalǵastyra beretin bolamyz. Jataqhana jas mamandarymyzǵa unap, aýdanymyzda turaqty jumys isteıdi dep úmittenemiz», - deıdi hırýrg dáriger Juldyz Ábýnazarova.
Paıdalanýǵa berilgen jataqhananyń jalpy aýmaǵy 80 shary metrdi quraıdy. Egindikól aýylynda barlyǵy 8 jataqhana bar. Onda dárigerlerden bólek, stýdentter jáne jergilikti jumysshylar turady.
Ataı keteıik, Aqmola oblysynda bıylǵy jyly memlekettik qoldaýdyń sheńberinde medıtsına salasynda 33 jas maman 1 mıllıon teńge kóleminde járdemaqy alady. «Dıplommen aýylǵa» baǵdarlamasy boıynsha mamandar 100 aılyq eseptik kórsetkish boıynsha 252 myń teńge alady Sonymen qatar, medıtsına mamandarynyń baspana máselesi de oń sheshilýde.
