Aqmola oblysynda mazýt tasymaldaıtyn kólik aýdarylyp, otqa orandy
KÓKShETAÝ. QazAqparat – Aqmola oblysynyń Jaqsy aýdany aýmaǵynda mazýt toly júk kóligi aýdaryldy, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.
Vedomstvonyń málimetinshe, jol apaty búgin saǵat 14:57 kezinde «Almaty-Ekaterınbor» tasjolynyń 924-shaqyrymynda, Jaqsy kentinen 12 shaqyrym jerde oryn alǵan.
Syıymdylyǵy 40 tekshe metrlik HOWO kóligi tehnıkalyq aqaýlarǵa baılanysty joldyń shetindegi jyraǵa aýdarylǵan. Saldarynan kólikten mazýt aǵyp, órt shyqqan.
Órt 100 sharshy metr aýmaqty sharpydy.
«Oqıǵa ornyna TJD jeke quramynan 13 qyzmetker jáne 3 arnaıy tehnıka, «Jaqsy sý arnasy» kommýnaldyq kásipornynyń órt sóndirý qurylymy jumyldyryldy. Saǵat 16:36 tilsiz jaý aýyzdyqtalyp, 16:50 óshirildi. Zardap shekkender joq» dep túsindirdi vedomstvodan.
