Aqmola oblysynda máslıhattarǵa 249 depýtat saılanady

KÓKShETAÝ. QazAqparat – Aqmola oblysynda túrli deńgeıdegi máslıhattarǵa 249 depýtat saılanady. Qazirgi kezde kandıdattardy usyný jumystary jalǵasýda, dep habarlaıdy QazAqparat tilshisi.

Aqmola oblystyq saılaý komıssııasynyń hatshysy Ásııa Kúshtaevanyń málimetinshe, sonyń ishinde 16-y oblystyq, 41-i qalalyq, 192-i aýdandyq máslıhattarǵa ótedi. Sonymen birge, QR Parlamenti Májilisine 1 depýtat saılanady.

Osy rette, oblystyq máslıhatqa saılanatyn depýtattardyń 50 paıyzy bir mandattyq, ıaǵnı majorıtarlyq júıe, qalǵan jartysy partııalyq tizim boıynsha. Qalalar jáne aýdandarda tolyǵymen majorıtarlyq júıe boıynsha saılanady.

«Qazir tańda 8 aqpanǵa deıin jalǵasatyn kandıdattardy usyný protsesi júrip jatyr. Majorıtarlyq júıe boıynsha úmitker ózin-ózi usyný jolyn tańdaı alady. Ózin - ózi usynýshy aldymen qaı saılaý okrýgi boıynsha saılaýǵa túskisi keletinin sheshýi kerek, ony turǵylyqty jeri boıynsha da, basqa jerde de ala alady, biraq sodan keıin ol sol jerde tirkelýge mindetti bolady», - dep túsindirdi Ásııa Kúshtaeva.

Aıta ketsek, budan buryn Talǵat Júnisov Aqmola oblysynan Senat depýtaty bolyp saılanǵan edi.