Aqmola oblysynda máslıhat depýttarynyń saılaýy ótti
KÓKShETAÝ. QazAqparat - Aqmola oblysynda Atbasar, Býrabaı, Jaqsy, Zerendi aýdandary jáne Kókshetaý qalalyq máslıhattarynyń shyǵyp qalǵan depýtattarynyń ornyna depýtattardyń saılaýy ótti. Bul týraly QazAqparat tilshisi oblystyq saılaý komıssııasyna silteme jasap habarlaıdy.
Aqmola oblystyq saılaý komıssııasynyń tóraǵasy Ádilhan Shaıahmetovtyń aıtýynsha, Aqmola oblystyq saılaý komıssııasy 2018 jylǵy 24 tamyzdaǵy №53/30 qaýlysyna sáıkes, qazannyń 28-i kúni ótti. Saılaýǵa daıyndyq sharalary men ony ótkizýge barlyǵy 48 saılaý komıssııasy tartyldy. Onyń 1-ýi oblystyq, 1-ýi qalalyq aýmaqtyq, 4-ýi aýdandyq aımaqtyq, 8-i okrýgtik jáne 34-i ýchaskelik saılaý komıssııasy..
«Qazannyń 28-i kúni ótken saılaýǵa barlyǵy 23441 saılaýshy qatysty. Usynylǵan 27 úmitkerdiń 24-i tirkeldi. Saılaý ótkizilgen kúni barlyq saılaý ýchaskelerinde úmitkerlerdiń 25 senimdi ókilderi, onyń ishinde «Nur Otan» partııasy qoǵamdyq birlestiginiń 11 baıqaýshysy, 12 senimdi ókili boldy. Saılaý qorytyndysy boıynsha saılaýshylar men baıqaýshylar tarapynan aryz-shaǵym túsken joq», - dep túsindirdi Ádilhan Shaıahmetov.
