Aqmola oblysynda mas júrgizýshi mektep oqýshysyn qaǵyp ketti
KÓKShETAÝ. QazAqparat – Aqmola oblysynyń Tselınograd aýdanynda jaıaý júrginshilerge arnalǵan jolda jasóspirimdi kólik qaǵyp ketti, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, júrgizýshi zardap shekken oqýshyǵa kómek kórsetpesten, oqıǵa ornynan izin sýyqtan.
«2020 jyldyń 12-shi naýryzynda 37 jastaǵy júrgizýshi «Mazda-626» kóligimen Qoıandy aýylynda jaıaý júrginshiler ge arnalǵan jolmen ótip bara jatqan 15 jastaǵy oqýshy qyzdy qaǵyp ketti. Jol kólik oqıǵasynan jasóspirim jeńil dene jaraqatymen aýrýhanaǵa tústi», dep túsindirdi vedomstvodan.
Tselınograd aýdandyq Polıtsııa departamentiniń tártip saqshylary atalmysh kólik pen onyń júrgizýshisin anyqtady.
«Anyqtalǵandaı kólik júrgizýshi jol kólik oqıǵasy kezinde jeńil masań kúıde boldy. Oqıǵa fotokameraǵa túsip qaldy. Júrgizýshiniń ústinen ákimshilik hattama toltyryldy», - dep tolyqtyrdy vedomstvodan.
Qazirgi kezde, zardap shekken jasóspirim dárigerlerdiń baqylaýynda. Tergeý amaldary jalǵasýda.
