Aqmola oblysynda mas júrgizýshi eki adamdy qaǵyp ketti
KÓKShETAÝ. QazAqparat – Aqmola oblysynda eki jaıaýdy júrginshini qaǵyp ketken mas júrgizýshi ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, mamyrdyń 24-de Shortandy aýdanynda 35 jastaǵy júrgizýshi «VAZ-2106» avtokóligimen joldyń oń jaq tusymen (joldyń bul tusynda trotýar joq) júrip bara jatqan eki jaıaý júrginshini qaǵyp ketti.
«Medıtsınalyq saraptamanyń qorytyndysy boıynsha júrgizýshi ortasha deńgeıde mas bolǵan. Zardap shekkender 36 jastaǵy áıel men 9 jastaǵy qyz bala aýrýhanaǵa jatqyzyldy», - dep málim etti vedomstvodan.
Tártip saqshylary atap ótkendeı, osy oqıǵa baılanysty QR QK 345–1 babynyń 1 bóligi boıynsha qylmystyq is qozǵaldy. Tergeý sharalary odan ári jalǵasýda.
