Aqmola oblysynda mas kúıinde kólik júrgizgen 2300 adam kýáliginen aıyrylǵan
KÓKShETAÝ. QazAqparat - Aqmola oblysy polıtsııa departamentiniń basshysy Erjan Sədenov turǵyndar aldynda alǵashqy esep berý kezdesýin ótkizdi, dep habarlaıdy QazAqparat tilshisi.
Vedomstvo basshysy jınalǵandarǵa óńir polıtseıleriniń jumysy ǵana emes, turǵyndar tarapynan qoıylǵan suraqtary men əleýmettik jeli arqyly joldanǵan saýaldarǵa jaýap berdi.
«Mundaı aýqymdaǵy sharalar tuńǵysh ret ótkizilip otyr. Qazirgi zamanǵy tsıfrlyq tehnologııa qoldanyp otyr. Turǵyndar saýalyn Facebook əleýmettik jelisi arqyly qabyldaýdyń arqasynda ınternet qoldanýshylardyń sany artty», dep túsindirdi vedomstvonyń baspasóz qyzmetinen.
Departament basshysy aldymen Elbasy Joldaýynda aıtylǵan mindetterge toqtalyp, quqyqbuzýshylyqtyń aldyn alý, qoǵamdyq tártipti qamtamasyz etý jáne óńirde qylmyspen kúres sharalary týraly aıtyp berdi.
Sonymen qatar, ol quqyq qorǵaý júıesin jańǵyrtý sheńberinde vedomstvo qyzmetindegi sońǵy ózgerister týraly baıandady.
Naqtyraq alsaq, elimiz boıynsha Aqmola oblysy polıtsııa departamentinde birinshi bolyp «Azamattarǵa arnalǵan qabyldaý» jumys isteı bastady. Eki aıdan beri barlyq ákimshilik ǵımarattarda kelýshilerge konsýltatıvtik kómek kórsetý úshin qolaıly jaǵdaı jasalǵan. Buǵan qosa, departamentte «Tıimdi polıtsııa: jumys ýaqytyn utymdy paıdalaný» jobasy sátti júzege asyrylýda.
Departament basshysy atap ótkendeı, sońǵy jyldary óńirde qylmystyń sany azaıyp keledi. Onyń ishinde aýyr qylmys, qaraqshylyq, tonaý, buzaqylyq, mal urlyǵy, kólik urlyǵy jáne alkogoldik masań kúıde jasaǵan qylmystardyń sany azaıǵan.
Buǵan polıtsııa ǵana emes, ózge de múddeli organdardyń birlesip júrgizgen jedel aldyn alý sharasynyń nátıjesinde qol jetkizildi.
«Bıylǵy jyly óńir polıtseıleri zańsyz esirtki saýdasyna qatysty 200-den astam qylmystyń betin ashyp, 880 kg astam esirtki zatyn tárkiledi jáne esirtki saýdasymen aınalysqan 64 adamdy ustady. Oǵan qosa, óńir avtojoldarynda esirtki shegip, kólik aıdaǵan 224 júrgizýshi jaýapkershilikke tartyldy. Mas kúıinde rólge otyrǵan 2300 adam júrgizýshi quqyǵynan aıyryldy», dep atap ótti departament basshysy.
Qoǵamdyq jerlerde qylmyspen kúresýde beınebaqylaý kameralarynyń paıdasy zor. Osy baǵytta oblys boıynsha barlyǵy 332 vıdeokamerasy ornatylǵanyn aıta ketken jón. Beınebaqylaý kamerasy táýlik boıy monıtorıng júrgizip otyrýǵa septigin tıgizedi. Osy retti «Qazaqtelekom» AQ birlesip «Joǵarydan beınebaqylaý» jobasy júzege asyrylýda. Joba sheńberinde turǵyn úılerdiń kireberisine 928 beınebaqylaý kamerasy ornatyldy.
Jańalyqtardyń biri Kókshetaý qalasynda birneshe fýnktsııalardy biriktirý arqyly sall-ortalyq ashý josparlanǵan.
