Aqmola oblysynda mas kúıde júk kóligin júrgizgen er adam ustaldy
KÓKShETAÝ. QazAqparat - Aqmola oblysynda ishimdik iship alyp júk kóligin basqarǵan er adam ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 20 mamyrda «Ýchaske» sharasy barysynda tártip saqshylary «Zerendi-Şýche» tas jolynyń boıyndaǵy «Qazmunaıgaz» avtokólik janarmaı quıý stansasy mańynda jaryq shamyn qospaı júrip kele jatqan «Maz 53331» júk kóligin baıqaǵan.
«Tártip saqshylary arnaıy daýys kúsheıtkish qurylǵysy arqyly kólikti toqtatýǵa tyrysqanymen júrgizýshi oǵan qulaq aspaı odan ári júrsin jalǵastyra berdi», - deıdi vedomstvodan.
Polıtsııanyń patrýldik batalonynyń qosymsha kúshteriniń kómegimen kólik toqtatyldy. Qujatty tekserý kezinde 38 jastaǵy kólik júrgizýshisinen ishimdiktiń ıisi shyǵyp turdy.
«Medıtsınalyq saraptama qorytyndysy boıynsha júrgizýshi mas kúıde bolǵany anyqtaldy. Júk kóligi Kókshetaý qalasyndaǵy arnaıy avto turaqqa qoıyldy. Júrgizýshige qatysty QR QK-niń 346-baby boıynsha «kólik quraldaryn basqarý quqyǵynan aıyrylǵan, alkogoldik, masań kúıdegi adamnyń kólik quralyn basqarýy» sotqa deıingi tergeý amaldary júrgizilýde.
