Aqmola oblysynda mal urlyǵymen aınalysqan qylmystyq top ustaldy
KÓKShETAÝ. QazAqparat - Aqmola oblysynda mal urlyǵyn kásip etken uıymdasqan top ustaldy, dep habarlaıdy QazAqparat tilshisi.
Polıtseılerdiń deregi boıynsha, uıymdasqan toptyń mal urlaýdyń 14 oqıǵasyna qatysy bary anyqtalyp, mal ıelerine 200 myń teńgeden 1,5 mıllıon teńgege deıin shyǵyn keltirgeni anyqtaldy.
«Kúdiktiler «mal urlyǵy» jedel aldyn alý sharasy barysynda qolǵa tústi. Alty adamnan turatyn top Býrabaı jáne Birjan sal aýdandary aýmaǵynda barymtashylyqpen aınalysqany áshkerlendi. Kúdiktelerdiń Kókshetaý, Şýchınsk, Stepnıak qalalary jáne Aıanbaı aýlynyń turǵyndary ekeni anyqtaldy. Ustalǵandardyń 3-ýi buryn sotty bolǵan, bireýi Býrabaı aýdanyndaǵy selolyq okrýgtiń mal dárigeri.
Bir jyl boıy atalmysh aýdandardyń turǵyndarynan jaılymǵa jibergen maldarynyń joǵalǵany týraly aryz túsken. Máselen, kúdikteler Býrabaı aýdanyndaǵy Jasyl aýylynyń turǵynynyń 6 jylqysyn jaılymda júrgen jerinen qoldy qylsa, Stepnıak qalasynyń turǵynynyń aýladaǵy 6 buzaýyn alyp ketken. Jalpy, polıtsııaǵa 14 adamnan aryz tústi. Barlyq joǵalǵan maldyń sany 50 bas, onyń ishinde 14 jylqy, 36 iri qara. Mal ıelerine 200 myń teńgeden 1,5 mıllıon teńgege deıin kólemde shyǵyn keltirilip otyr. Qazirgi kezde, urlanǵan maldyń 36-y ıelerine qaıtaryldy.
Sonymen qatar, kúdiktelerdiń «Toıota Kamrı» jáne «Aýdı - 80» kólikterimen júrgeni anyqtaldy», dep túsindirdi baspasóz qyzmetindegiler.
Qazirgi kezde, kúdiktilerdiń ústinen QR QK 188 babynyń 3 bólimi boıynsha sotaldy is qozǵalyp, osyǵan uqsas ózge de qylmastarǵa qatysy bar-joǵy anyqtalýda.
