Aqmola oblysynda mal urlyǵymen aınalysqan 6 qylmystyq top ustaldy
KÓKShETAÝ. QazAqparat - Aqmola oblysynda iri kólemde mal urlyǵymen aınalysqan 6 qylmystyq top ustaldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, barymtashylar Astrahan, Býrabaı, Ereımentaý, Jaqsy, Zerendi jáne Tselınograd aýdandary aýmaǵynda jalpy quny 54 mıllıonnan astam teńge bolatyn mal urlaǵan. Tórt túlikti qoldy etý faktilerine qatysty 32 qylmystyń beti ashyldy.
«QR ІІM mal urlyǵymen kúresýdiń tıimdiligin arttyrý úshin qatań sharalardy qoldanýda. Óńirlerde jergilikti atqarýshy organdarmen, qoǵamdyq qurylymdarmen jáne turǵyndarmen tyǵyz baılanysty ornatý arqyly urlyqpen kúresý baǵytynda 2019-2020 arnalǵan vedomstvoaralyq baǵdarlama júzege asyrylýda», - deıdi vedomstvonyń baspasóz qyzmetindegiler.
Máselen, 2019 jyldyń 30 qazany men 1 qarashasy aralyǵynda Zerendi aýdany aýmaǵynda 124 avtokólik tekserilip, esh qujatsyz mal jáne et ónimderin tasymaldaýǵa qatysty 6 oqıǵa anyqtaldy.
Osyǵan baılanysty QR ÁQbK 460-babynyń 2-bóligi 2-tarmaǵy boıynsha 6 ákimshilik hattama toltyryldy. Onyń ishinde mal urlyǵyna qatysty buryn jasalǵan 1 aýyr qylmys ashyldy.
