Aqmola oblysynda mal sharýashylyǵy klasteri qurylmaq
KÓKShETAÝ. QazAqparat - Aqmola oblysynyń Astrahan aýdanynda quny 11 mıllıard teńgege mal sharýashylyǵy klasteri qurý josparlanǵan. Bul týraly Aqmola oblysy Astrahan aýdanynyń ákimi Nurlan Seıilov aıtty, dep habarlaıdy QazAqparat tilshisi.
«2018 jyly aýyl sharýashylyǵy salasynyń ishki ónim kólemi 25 mıllıard teńgeni qurap, naqty kólemi ındeksi 109,8 paıyzdy qurady. Eginshilik salasynda 1,8 mıllıard teńgeniń, mal sharýashylyǵynda 6 mıllıard 977 mıllıaon teńgeniń ónimi óndirildi. «Nur-A» jáne «Petrovka-1» áleýmettik kásipkerlik koopertıvteri 250 tonnadan astam sút óńdedi», - deıdi N. Seıilov Óńirlik kommýnıkatsııalar qyzmetinde ótken brıfıngte.
Indýstrıalandyrý kartasy sheńberinde jumys isteıtin kásiporyndar «Ostrogorskoe» JShS, «Astarhan qusy APP» JShS barlyǵy 892 mıllıon teńgege sıyr jáne qus eti óndirildi.
«APK Vavaria rrodust» JShS ınvestıtsııalyq jobasy sheńberinde 2050 basqa arnalǵan shoshqa kesheni, mal azyǵyn daıyndaıtyn zaýyty, et óńdeý kombınaty bar quny 11 mıllıard teńgeden asatyn mal sharýashylyǵy klasterin qurý boıynsha ınvestıtsııalyq jobasy júzege asyrylýda. Jalpy, aýdan ekonomıkasyna tartylǵan ınvestıtsııa kólemi 4289 mıllıon teńgeni qurady. Aıta keteıik, mal sharýashylyǵyn damytý jóninde Elbasy Joldaýynda aıtylǵan bolatyn.
Aıta keteıik, Astarhan aýdanynda shaǵyn jáne orta bıznes sýbektileriniń sany 1150 birlikti qurady. Shaǵyn jáne orta bıznes salasynda 4 myńnan astam adam jumys isteıdi. Sonymen qatar, aýdanda turǵyn úı-kommýnaldyq sharýashylyǵy, bilim, densaýlyq jáne medenıet salasynda da atqarylyp jatqan sharýalar sóz boldy.
Aýdanda «Rýhanı jańǵyrý» baǵdarlamasyn júzege asyrý sheńberinde 17 joba ázirlendi. «Tárbıe jáne bilim» kishi baǵdarlamasy sheńberinde balalardyń shyǵarmashylyq úıinde «Istokı» murajaı jáne ólketaný klýby jumys isteıdi. Bul murjaı «Oblystaǵy eń úzdik qoǵamdyq murajaı» mártebesin aldy. Buǵan qosymsha mektepterde 6 murjaı bar. «Bal mahabbat» jáne «Áýlıeler ordasy» Aqmola oblysynyń kıeli jerleri tizimine enip otyr.
