Aqmola oblysynda mádenı-saýyqtyrý kesheni ashyldy
KÓKShETAÝ. QazAqparat - Aqmola oblysynyń Tselınograd aýdanynda mádenı-saýyqtyrý kesheni ashyldy, dep habarlaıdy QazAqparat tilshisi oblys əkiminiń baspasóz qyzmetine silteme jasap.
Ákimdiktiń baspasóz qyzmetiniń deregi boıynsha «Rýhanı jańǵyrý» baǵdarlamasynyń «Týǵan jer» jobasyn júzege asyrý sheńberinde Zelenyı Gaı aýylynda aýyl klýby mádenı-saýyqtyrý kesheni retinde qalpyna keltirildi.
Nysannyń ashylýy rásimine aımaq basshysy Málik Myrzalın, Tselınograd aýdanynyń ákimi Málgajdar Tátkeev, «Rodına» agrofırmasy» JShS dırektory Ivan Saýer jáne aýyl turǵyndary qatysty. Aımaq basshysy aýyl turǵyndaryn aýdannyń mádenı ómirindegi osynaý qýanyshtarymen quttyqtady.
«Nysan 1990 jyldary turǵyzylǵan. 2017 jyldyń maýsym aıynan bastap, «Rodına» agrofırmasy» JShS men Aqmola oblysy ákimdigi arasynda jasalǵan memorandým sheńberinde quny 101 mıllıon teńgege jóndeý jumystary qolǵa alyndy.
Aýmaǵy 358 sharshy metr keshende 150 adamǵa arnalǵan banket, kórermen, dısko jáne úırme zaldary bar. Buǵan qosa, «Topolek» ansambli, balalar men zeınetkerlerge arnalǵan shyǵarmashylyq úıirmeler jumys isteıtin bolady.
Jergilikti bıýdjet esebinen jalpy quny 3 mıllıon teńgege sporttyq jabdyqtar men mýzykalyq apparatýra, noýtbýk jáne ózge de tehnıkalar satyp alyndy», - dep túsindirdi ákimdiktiń baspasóz hatshysy Dınara Tursynova.
