Aqmola oblysynda laparoskopııa jolymen 7 ota jasaldy
Qazirgi zamanǵy medıtsınalyq quraldarmen jabdyqtalǵan aýrýhanada ótken otany onlaı rejımde ondaǵan aqmolalyq mamandar tamashalady. Qazirgi zamanǵy beınekamera arqyly ishki jaqtaǵy beıneler monıtor ekrany arqyly kórsetildi.
Joǵary bilikti hırýrg Serik Toqpanov ota kezindegi barlyq protsesterdi arnaıy qural arqyly kórsetip, túsindirip otyrdy.
Aıta keteıik, atalmysh aýrýhanada osyndaı otalar jasaıtyn joǵary tehnologııalyq medıtsınalyq quraldar bar. Eki kún ishinde mamandar osy quraldarmen laparoskopııa jolymen 7 ota jasady. Mundaı ota aýdanda tuńǵysh ret jasalyp otyr. Jaraıyń aýdandyq aýrýhanasy hırýrgııa bólimshesiniń meńgerýshisi Mahambet Dosmuratov úshin bul taptyrmas tájirıbe. Mahambet 5 jyl buryn aýdanǵa «Dıplommen aýylǵa» baǵdarlamasy boıynsha kelgen mamandardyń biri. Bıylǵy jyly ol QR Prezıdentiniń is basqarmasynyń medıtsınalyq ortalyǵy aýrýhanasynda «Abdomınaldy hırýrgııada endovıdeohırýrgııalyq aralasý» tsıkli boıynsha biliktiligin arttyryp keldi.
Jas maman endi Jarqaıyń, Esil jáne Jaqsy aýdandarynan kelgen naýqastarǵa ota jasaı alady.
«Mundaı ota oblystyq jáne qalalyq deńgeıdegi medıtsınalyq mekemelerde júzege asyrylady. Bul hırýrgııalyq emdeýdiń tıimdi joly. Osyndaı otalardy ózimide jasaı alatynymyz biz úshin úlken jetistik», - dedi aýrhananyń bas dárigeri Gosman Ahmetbekov.
