Aqmola oblysynda lagerdegi bala ólimine baılanysty qylmystyq is qozǵaldy
KÓKShETAÝ. QazAqparat - Aqmola oblysynda balalar lagerinde demalyp jatqan jasóspirimniń ólimine baılanysty qylmystyq is qozǵaldy, dep habarlaıdy QazAqparat tilshisi ІІD baspasóz qyzmetine silteme jasap.
Vedomstvonyń deregi boıynsha, 15 jastaǵy A.D. Sementsov 9 shilde kúni "Arman" balalardy saýyqtyrý lagerinde sýǵa batyp ketken. Anyqtalǵandaı, ol ruqsat etilmegen sý qoımasynda shomylǵan.
"2003 jyly týǵan jasóspirimniń ólimine baılanysty QR QK 254-baby boıynsha (óz mindetine nemquraıly qaraý) is qozǵalyp, sotaldy tergeý amaldary júrgizilýde.
Osyǵan deıin habarlaǵanymyzdaı, vedomstvonyń baspasóz qyzmeti balanyń atalmysh lagerge Astanadan barǵanyn rastaǵan bolatyn. Onyń denesi məıithanaǵa jiberildi. Sondaı-aq, sot-medıtsınalyq saraptama taǵaıyndalyp, tekseris júrgizilip jatqanyn aıtqan edi.
Tergeý sharalarynyń barysy Aqmola oblysynyń prokýratýrasy men ІІD basshysynyń baqylaýyna alyndy.
