Aqmola oblysynda qyzymen sýretke túspek bolǵan er adam sýǵa qulap ketti
KÓKShETAÝ. QazAqparat – Aqmola oblysynyń Zerendi aýdanynda er adam 6 jasar qyzymen birge sýretke túspek bolǵan kezde Úlgili sarqyramasyna qulap ketti. Abyroı bolǵanda ekeýi de zardap shekpegen, dep habarlaıdy QazAqparat.
Kokshetauasia v Instagram paraqshasynda Aqmola oblysynyń Zerendi aýdanyndaǵy Úlgili sarqyramasyna er adamnyń qyzymen birgen qulaǵandaǵy beınekórinisi jarııalandy.
Jarııalanymnan málim bolǵanyndaı, vıdeo aldymen @eto_kokshetau_det tobynan taraǵan.
Zerendi aýdany ákimdiginiń habarlaýynsha, sýǵa qulaǵandar Kókshetaý qalasynyń turǵyndary bolyp shyqty. Er adam 6 jasar qyzymen birge sarqyramanyń janynda sýretke túspek bolǵanda abaısyzda sýǵa qulap ketken. Olardyń jaǵa shyǵýyna kýágerler kómektesken.
«Keshe 17 sáýir kúni, saǵat 16-35-te Zerendi aýdandyq aýrýhanasyna jeńil jaraqattarymen Kókshetaý qalasynda turatyn 2015 jyly týǵan bala tústi. Ony dárigerler tekserip shyǵyp, qajetti em-dom jasaǵan. Arýhanaǵa jatqyzýǵa eshqandaı negiz joq bolǵandyqtan bala úıine jiberildi»,-delingen vedomstvo habarlamasynda.
