Aqmola oblysynda qyzylsha juqtyrǵan 77 adam tirkeldi
KÓKShETAÝ. QazAqparat - Aqmola oblysynda qyzylsha juqtyrǵan 77 adam tirkeldi, onyń 6-aýy - medıtsına qyzmetkerleri. Sońǵylarynyń dıagnozy áli rastalǵan joq, dep habarlaıdy QazAqparat tilshisi oblystyq qoǵamdyq densaýlyqty qorǵaý departamentiniń baspasóz hatshysy.
«Jalpy, Aqmola oblysy boıynsha epıdemologııalyq jaǵdaı turaqty. Qyzylshanyń taralý maýsymy qalypty ótýde. Adamdardyń jappaı aýrýy tirkelgen joq. Esesine kezdeısoq oqıǵalar oryn alyp otyr. Jalpy, oblys boıynsha 2018 jyldyń 1 qarashasy men 2019 jyldyń 14 qańtary aralyǵynda qyzylsha dertin juqtyrǵan 77 adam tirkeldi. Onyń 26-sy - 1 jasqa deıin, 26-sy - 1- 14 jas aralyǵyndaǵylar, jasóspirimder arasynda 2 jáne eresekter arasynda 23 oqıǵa tirkeldi. Eresekter arasynda 6 jaǵdaıda medıtsına qyzmetkerleriniń (Aqmola oblysynyń kópbeıimdi aýrýhanasy 2, Kókshetaý qalalyq aýrhanasynda 1, Kókshetaý qalalyq №1 emhanasynda 3) juqtyrǵany anyqtalý ústinde)», - dep túsindirdi Aqmola oblystyq qoǵamdyq densaýlyqty saqtaý departamentiniń baspasóz qyzmetindegiler.
Vedomstvonyń deregi boıynsha, qyzylshaǵa qatysty 77 jaǵdaıdyń 43 de (Esil, Arshaly, Zerendi aýdandarynda - 1 jaǵdaı, Tselınograd aýdanynda - 6 jaǵdaı, Sandyqtaý aýdanynda - 23 jaǵdaı jáne Kókshetaý qalasynda - 11 jaǵdaı) zerthanalyq tekserispen rastaldy. Onyń 91 paıyzy - ekpe alamaǵandar. 9 jaǵdaıda qyzylsha rastalmady. 25 jaǵdaıǵa baılanysty tekseris júrip jatyr.
«Qazirgi kezde 25 naýqas em qabyldap jatyr. Onyń ishinde 18 naýqas stantsıonarlyq, 7 adam ambýlatorlyq em qabyldaýda. Jaǵdaıy qanaǵattanarlyq. Osy kúni oblysta epıdemııaǵa qarsy jáne profılaktıkalyq keshendi sharalar júrgizilýde», - dep tolyqtyrdy vedomstvodan.
