Aqmola oblysynda qyzmettik avtokólikterge arnaıy belgi salynýda
KÓKShETAÝ. QazAqparat - Aqmola oblysynda qyzmettik avtokólikke aıyryqsha belgiler ornatylýda, dep habarlaıdy QazAqparat tilshisi.
QR Memlekettik qyzmet isteri jəne sybaılas jemqorlyqqa qarsy is-qımyl agenttigi Aqmola oblysy boıynsha departamentiniń jemqorlyqty aldyn alý basqarmasy baspasóz qyzmetiniń málimeti boıynsha, QR Prezıdentiniń 2015 jylǵy 29 jeltoqsandaǵy № 153 Jarlyǵymen bekitilgen, Qazaqstan Respýblıkasy memlekettik qyzmetshileriniń Ádep kodeksine sáıkes, memlekettik qyzmetshiler memlekettik menshiktiń saqtalýyn qamtamasyz etýge, ózine senip tapsyrylǵan memlekettik menshikti, avtokólik quraldaryn qosa alǵanda, utymdy, tıimdi jáne tek qyzmettik maqsatta ǵana paıdalanýǵa tıis.
Memlekettik qyzmetshilerdiń Ádep kodeksiniń normalaryn saqtaý maqsatynda, Aqmola oblysynyń jergilikti atqarýshy organdarymen qyzmettik avtokólik quraldarynda aıyryqsha belgilerdi (japsyrmalardy) ornalastyrý boıynsha jumys júrgizilýde.
Kókshetaý qalasy ákimi apparatymen qyzmettik avtokólikke senim jáne Call Centr-diń telefondary kórsetilip, arnaıy tanylatyn belgiler (japsyrmalar) ornalastyryldy.
«Jumystan tys ýaqytta qoǵamdyq oryndarda qyzmettik avtokólik turǵan faktisi anyqtalǵan jaǵdaıda, azamattar japsyrmada kórsetilgen telefondar boıynsha habarlasa alady. Búginde osy tapsyrys belsendi túrde basqa aýdandarmen oryndalýda. Atalmysh sharalar memlekettik qyzmetshilermen qyzmettik avtokólikti tıimsiz paıdalaný faktilerine jol bermeıdi», dep túsindirdi baspasóz qyzmetindegiler.
