Aqmola oblysynda qysqy spartakıadanyń jeńimpazdary anyqtaldy
KÓKShETAÝ. QazAqparat - Aqmola oblysynyń Bulandy aýdanynda ótken «Hrýstaldy masaq» qysqy oblystyq spartakıadasynyń jeńimpazdary anyqtaldy, dep habarlaıdy QazAqparat tilshisi.
Oblystyq Dene shynyqtyrý jáne sport basqarmasynyń baspasóz qyzmetinen málim etkendeı, osymen 33-inshi ret uıymdastyrylyp otyrǵan spartakıadanyń jabylý saltanatyna Aqmola oblysy ákiminiń orynbasary Aına Mysyrálimova qatysyp, júldegerlerdi quttyqtady.
«Básekege oblystyń ár aýdanynan kelgen 600-ge jýyq adam qatysyp, shańǵy jarysy, dopty hokkeı jáne bıatlon tárizdi qysqy sport túrleri boıynsha synǵa tústi. Jarys qorytyndysy boıynsha aýdandar arasynda Bulandy aýdanynyń quramasy birinshi oryn alsa, odan keıingi ekinshi jáne úshinshi oryndardy Aqkól jáne Esil aýdandary ózara bólisti. Al qalalar arasynda Kókshetaý qalasynyń quramasy eshkimge des bermedi. Budan keıingi ekinshi orynǵa Şýche quramasy turaqtasa, úshinshi orynǵa atbasarlyqtar laıyq dep tanyldy», - dedi vedomstvonyń baspasóz hatshysy Mahabbat Bolshına.
Jeńimpazdar arnaıy gramotalarmen jáne kýboktarmen marapattaldy.
«Hrýstaldy masaq» spartakıadasynyń týy jarystyń kelesi jolǵy uıymdastyrýshysy - Atbasar aýdanynda tapsyryldy.
