Aqmola oblysynda qyrman meńgerýshisi 280 tonna bıdaıdy zańsyz satyp jibergen
ІІD baspasóz qyzmetiniń málimeti boıynsha, aǵymdaǵy jyldyń 31 qazanynda Sandyqtaý aýdanynyń ІІB kezekshilik bólimine jergilikti JShS-niń biriniń 52 jastaǵy dırektory habarlasyp, Lesnoe aýylyndaǵy qyrman basynan iri kólemde bıdaıdyń urlanǵanyn aıtqan.
JShS keltirilgen shyǵyn kólemi 12 mıllıon teńgeni qurady.
«Jedel-izdestrý sharasy barysynda Sandyqtaý aýdandyq ІІB qyzmetkerleri osy aýyldyń 49 jastaǵy turǵynyn ustady. Ol qyrman meńgerýshisi bolyp jumys istegen.
Tergeý barysynda anyqtalǵandaı, kúdikti ózin bıdaıdy satyp alýshyǵa JShS dırektorymyn dep tanystyrǵan. Keıin esh qujatsyz qyrmanda saqtaýly turǵan bıylǵy jyldyń 280 tonna bıdaıyn júk kólikterimen jóneltip otyrǵan», delingen habarlamada.
Qazirgi kezde, QR QK 189 babynyń 9 baby boıynsha (bireýdiń senip tapsyrǵan múlkin ıemdený jáne paıdalaný) qylmystyq is qozǵaldy. Kúdiktige múlkin tárkileı otyryp, 5 jyldan 10 jylǵa deıin jaza taǵaıyndalýy múmkin. Tergeý amaldary jalǵasýda.
