Aqmola oblysynda Qyrǵyzstannyń avtobýsy jol apatyna ushyrady
KÓKShETAÝ. QazAqparat - Aqmola oblysynyń Esil aýdanynda Qyrǵyzstan azamaty tizgindegen avtobýstyń jol apatyna ushyraýyna baılanysty tekseris júrgizilýde. Bul týraly oblystyq ІІD baspasóz qyzmetinen habarlady.
Polıtseılerdiń deregi boıynsha aǵymdaǵy jyldyń 18-shi shildesinde Esil aýdandyq ІІB kezekshilik bólimine «Esil-Surǵan-Áýlıekól» tas jolynyń boıynda jolaýshylar avtobýsynyń jol apatyna ushyraǵany týraly telefon arqyly jedel aqparat túsken.
Oqıǵa ornyna jedel jetken polıtseıler 29 jastaǵy Qyrǵyzstan respýblıkasynyń azamaty tizgindegen «Sıetro» avtobýsy Bishkekten reseıdiń Perm qalasyna bara jatqanyn anyqtady.
«Esil-Surǵan-Áýlıekól» tas jolynyń 252 shaqyrymynda avtobýs joldan taıyp, orǵa jyǵylǵan. Sol kezde kólik ishinde júrgizýshi men 55 jolaýshy otyrǵan.
Jol apatynyń saldarynan 42 jastaǵy Tájikstan azamaty túrli dene jaraqatymen aýdandyq aýrýhanaǵa jetkizildi.
Qazirgi kezde, atalǵan oqıǵaǵa baılanysty tekseris júrgizilýde.
