Aqmola oblysynda qymbat kólikterdi urlaǵandar ustaldy
KÓKShETAÝ. QazAqparat - Aqmola oblysynda Tehnıkalyq baıqaý stansasynan qymbat kólikterdi urlaǵan eki adam ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 27 mamyrda saǵat 01:00 patrýldik polıtsııa batalonynyń qyzmetkerleri Şýche qalasyndaǵy Áýezov kóshesiniń boıynda «Toyota RAV4» kóligin toqtatty. Keıin onyń artynan «KIA Cerato» kóligin toqtady. Qujattaryn tekserý barysynda er adamdardardyń atalmysh kólikterdi basqarýǵa ruqsat qujattary bolmaǵan. Kúdiktiler atalmysh kólikterdi bir TBS ekinshisine aıdap apar jatqanyn aıtyp aqtalmaq boldy.
Osy kezde tártip saqshylary «Toyota RAV4» kóliginiń rýlinde otyrǵan 23 jastaǵy jigittiń aýzynan alkogoldiń ıisin sezedi. Keıin anyqtalǵandaı, Kókshetaý qalasyndaǵy TBS sheberleri óz klıentteriniń kólikterin aıdap áketken. Kólik ıeleri 32 jáne 35 jastaǵy turǵyndar osydan birer kún buryn kólikterin atalmysh TBS jóndeýge qaldyrǵan.
«Qazirgi kezde, kúdiktilerdiń ústinen QR QK 200-baby boıynsha (avtomobıldi nemese ózge de kólik quralyn jymqyrý maqsatynsyz zańsyz ıelenip alý) deıingi tergeý amaldary júrgizilýde», - dep túsindirdi vedomstvodan.
Tártip saqshylary atap ótkendeı, kúdiktiler zańsyz aıdap áketken kóliktermen Şýche qalasyna baryp, tanys qyzdarymen kezdespekshi bolǵan.
Alaıda, kólikterge ornatylǵan GPS sıgnaly arqyly ıeleri kóliktiń basqa jaqta júrgenin bilip qoıǵan.
