Aqmola oblysynda qylmystyq top jarylǵysh zattardy urlap, satyp kelgen
KÓKShETAÝ. QazAqparat – QR Ulttyq qaýipsizdik komıtetiniń Aqmola oblysy boıynsha departamenti óńirde jarylǵysh zattardy urlaýmen jáne ony zańsyz satýmen aınalysqan qylmystyq topty ustady, dep habarlaıdy QazAqparat tilshisi vedomstvonyń baspasóz qyzmetine silteme jasap.
Málim bolǵandaı, qylmystyq toptyń eki múshesi ammonıt shashkalary men kapsıýl-detonatorlardy ótkizý kezinde ustaldy.
«Kópkezeńdi jedel zertteý barysynda, 2019 jylǵy qazan-qarasha aılarynda osy qylmystyq topqa qatysýshylardan 809 ammonıt shashkasy jáne jalpy salmaǵy 200 keliden astam ammonıt salynǵan 2 paket, sondaı-aq 442 kapsıýl-detonator alyndy. Ustalǵandar Kókshetaý qalalyq PB ýaqytsha ustaý ızolıatoryna qamaldy. Sotqa deıingi tergeý sharalary júrgizilýde», - delingen taratylǵan habarlamada.
