Aqmola oblysynda qylmys 19 paıyzǵa tómendedi

ASTANA. QazAqparat - Aqmola oblysynda qylmys 19 paıyzǵa tómendegen. Bul týraly QR Іshki ister mınıstri Marat Ahmetjanovtyń Aqmola oblysy turǵyndarymen kezdesýi barysynda málim boldy, dep habarlaıdy QazAqparat Polisia.kz saıtyna silteme jasap.

«Bolashaq saraiy» ǵımaratynda jınalǵandarǵa ol ishki ister organdarynyń reformasy, polıtsııa qyzmetiniń servıstik modeli, qylmystyq protsestiń úsh býyndy júıesiniń jumys prıntsıpteri týraly aıtyp berdi. Halyqqa eldegi jáne oblystaǵy qylmystyq ahýal týraly aqparat berildi.

– Aqmola oblysyna elde tirkelgen barlyq qylmystardyń tek 3%-y tıesili. Bıyl olardyń sany 19%-ǵa tómendedi (5 226-dan 4 245-ke deıin). Barlyq qylmystardyń úshten biri (34% nemese 1 452) oblys ortalyǵynda jasalady. Stepnogorsk, Qosshy, Býrabaı jáne Tselınograd aýdandarynda da uqsas jaǵdaı. Bul rette oblystyń barlyq aýdandarynda qylmystyń deńgeıi tómen ekeni baıqalady, – dep atap ótti ІІM basshysy.

Kezdesýde ártúrli suraqtar qoıyldy. Jalpy azamattardy buryn bolǵan jol apaty faktileri, polıtseıler tarapynan jasalǵan zańsyzdyqtar, qylmystyq isterdiń tergelýi syndy máseleler tolǵandyratyny belgili boldy.