Aqmola oblysynda KVI vaktsınalarynyń tıimdiligine taldaý júrgizildi

KÓKShETAÝ. QazAqparat - Aqmola oblysynda KVI-ǵa qarsy vaktsınalarǵa júrgizilgen taldaý «QazVac» otandyq vaktsınasynyń tıimdi ekenin kórsetti, dep habarlaıdy QazAqparat tilshisi.

Aqmola oblysy Densaýlyq saqtaý basqarmasy men aımaqtyń sanıtarlyq-epıdemıologııalyq baqylaý departamentiniń vaktsınatsııadan keıingi naýqastar boıynsha birlesken taldaýyna sáıkes, otandyq «QazVac» vaktsınasy eń tıimdi ekenin kórsetti.

«Atalǵan vaktsınany alǵannan keıin barlyǵy 94 adam nemese osy vaktsınamen egilgenderdiń jalpy sanynyń 0,6 paıyzy ǵana aýyrdy. Bul Aqmola oblysynda qoldanylatyn basqa vaktsınalarmen salystyrǵanda eki ese az», - dep bólisti óńirdiń densaýlyq saqtaý basqarmasynyń basshysy Narıman Syzdyqov.

Salystyrmaly túrde alsaq, «Gam-KOVID-Vak» (Spýtnık V) vaktsınasynan keıin aımaqta osy vaktsınamen egilgenderdiń jalpy sanynyń 1,2 paıyzy aýyrǵan. Bul kórsetkish «Hayat-Vax», «Vero Cell» vaktsınalarynan keıin-oǵan egilgenderdiń jalpy sanynyń 1,3 paıyzyn, «Sinovac-CoronaVac» vaktsınasynan keıin osy vaktsınamen egilgenderdiń jalpy sanynyń 1,3 paıyzyn qurady.