Aqmola oblysynda KVI-men syrqattanýshylyq boıynsha epıdjaǵdaı turaqty
Oblystyq sanıtarlyq-epıdemıologııalyq baqylaý departamentiniń baspasóz qyzmetine silteme jasap.
Vedomstvonyń málimetinshe, 2020 jyly COVID-19 zerthanalyq rastalǵan – 7247, 2021 jyly – 42434, 2022 jyldyń basynan beri – 326 jaǵdaı tirkelgen. Ótken jyldyń 21 jeltoqsanynan bastap oblys «jasyl» aımaqta tur. Alaıda, oblystyń 19 aýdanynyń 4-i, ıaǵnı Astrahan, Aqkól, Jarqaıyń, Egindikól aýdandary áli de «qyzyl» aımaqta ornalasqan. Atbasar, Esil, Sandyqtaý aýdandary «sary» aımaqta.
«Sońǵy aptada 2022 jylǵy 3 qańtardan 9 qańtarǵa deıin COVID-19-nyń 244 jaǵdaıy tirkeldi, ótken aptada 269 jaǵdaı bolsa, osy aptada 1,1 ese tómendedi (25 jaǵdaıǵa az). Táýligine COVID-19 zerthanalyq rastalǵan 31 jaǵdaı tirkelgen, onyń ishinde sımptomdary bar – 20 jaǵdaı, sımptomdary joq-11 jaǵdaı. ıAǵnı táýliktiń ósim 0,1 paıyz boldy», - dedi vedomstvodan.
Sonymen birge, JRVI belgilerimen dáriger kómegine júginip, emdeý kezinde anyqtalǵan jaǵdaılar – 12 (39%), baılanysta bolǵandar arasynda - 17 (55,0%), kásibı tekserý kezinde-2 (6%). Eresekter arasynda - 21, 14 jasqa deıingi balalar arasynda-10 jaǵdaı tirkeldi.
«Aýrý jaǵdaılary Kókshetaý qalasynda-7, Býrabaı-10, Arshaly-6, Sandyqtaý-3, Atbasar-2, Stepnogor-2, Aqkól qalasynda - 1 jaǵdaı tirkeldi. Táýligine COVID-19 zerthanalyq rastalǵan 30 jaǵdaı tirkelgen, onyń ishinde sımptomdary bar 27 jaǵdaı, sımptomdary joq 3 jaǵdaı. Al táýliktiń ósim 0,1 paıyz boldy», - dep tolyqtyrdy vedomstvodan.
Aıta ketsek, bıylǵy jyly KVI aýrýynyń 90 paıyzynda koronavırýstyń birneshe ret mýtatsııalanǵany baıqalady. Qazaqstanda tolyq genomdyq sekvenırleý júrgizildi, onyń nátıjeleri boıynsha búgingi tańda respýblıkada negizinen «úndi» jáne «brıtandyq shtamdar» juqqany, Nur-Sultan jáne Almaty qalalarynda «Omıkron» koronavırýs shtamynyń nusqasy anyqtaldy.
