Aqmola oblysynda kvazımemlekettik sektor qyzmetkerleri túrme aralady

KÓKShETAÝ. QazAqparat - Aqmola oblysy boıynsha Sybaılas jemqorlyqqa qarsy qyzmet pen aýmaqtyq qylmystyq-atqarý júıesi departamenti birlesip kvazımemlekettik sektor ókilderi úshin túzeý kolonııasyna profılaktıkalyq ekskýrsııa uıymdastyrdy, deı habarlaıdy QazAqparat tilshisi.

Aqmola oblysy boıynsha Sybaılas jemqorlyqqa qarsy is-qımyl departamenti baspasóz qyzmetiniń málimetinshe, «Kókshetaý tájirıbe-óndiristik sharýashylyǵy» JShS men «Asyl túlik» mal sharýashylyǵyndaǵy asyl tuqymdy is jónindegi respýblıkalyq ortalyq» AQ jumyskerleri Stepnogor qalasynyń ETs-166/18 mekemesine baryp, sottalǵandardy ustaý jaǵdaıymen tanysty.

«Іs-sharaǵa qatysýshylarǵa sottalǵandarǵa arnalǵan jataqhana, ashana, tárbıe jumysyna arnalǵan bólme, tártiptik ızolıator kórsetildi. Sondaı-aq, kolonııa bazasynyń tigin tsehynda bolyp, jazasyn ótep jatqan adamdar jumysymen tanysty. Memlekettik qyzmetshilerdi jáne kvazımemlekettik sektor qyzmetkerlerin qylmystyq-atqarý júıesi mekemelerine ekskýrsııa jasaýdaǵy basty maqsat, olardyń sybaılas jemqorlyq áreketteriniń saldaryn uǵynýyna jáne aldaǵy ýaqytta quqyq buzýshylyqtarǵa jol bermeýge baǵyttalǵan», - dedi vedomstvodan.

Aıta keteıik, buǵan deıin Granıtnyı kenti men Stepnogor qalasynyń túzetý kolonııalaryna mádenıet salasynyń ókilderi, sondaı-aq A.Baraev atyndaǵy astyq sharýashylyǵy ǵylymı-óndiristik ortalyǵynyń jáne Agroınjenerııa ǵylymı-óndiristik ortalyǵy Aqkól fılıalynyń ujymdary barǵan bolatyn.

Eske sala ketsek, 100-den astam erekshe kútimdi qajet etetin bala Býrabaıda mádenı oshaqtardy tamashalaýda