Aqmola oblysynda kúzgi jıyn-terinniń 50 paıyzǵa jýyǵy eńserildi
KÓKShETAÝ. QazAqparat - Aqmola oblysynda kúzgi jıyn-terin jumystarynyń 50 paıyzǵa jýyǵy eńserildi. Bul týraly oblystyq aýyl sharýashylyǵy basqarmasynyń dıspetcheri habarlady.
«Búgingi kúni oblys boıynsha barlyǵy 4 328,7 myń gektar alqaptaǵy eginniń 1 980,8 myń gektary jınaldy. Bul barlyq egis alqabynyń 45,8 paıyzyn qurap otyr. Sondaı-aq, keler jyldyń egisi úshin 221,3 myń tonna tuqym quıyldy. Oblys boıynsha ár gektardan ortasha 13 tsentnerden astyq jınalýda. Al, Zerendi aýdandarynda bul kórsetkish 15 tsentnerge deıin jetip otyr»,- dep kórsetilgen habarlamada.
