Aqmola oblysynda kúzgi jármeńke ótti

KÓKShETAÝ. QazAqparat - Zerendi aýdanynyń ortalyǵynda dástúrli kúzgi jármeńke ótti. Onda jergilikti aýyl sharýashylyǵy taýarlaryn óndirýshiler men kásiporyndardyń ónimderi satylymǵa shyǵaryldy, dep habarlaıdy QazAqparat tilshisi Aqmola oblystyq ishki saıasat basqarmasynyń baspasóz qyzmetine silteme jasap.

Jármeńkede et, sút ónimderi, bal, maı, kókónis, sańyraýqulaq, jumyrtqa jáne shujyq naryq baǵasynan 10-15 paıyzǵa arzaanǵa satyldy. Sonymen birge, Kókshetaýdaǵy «Gormolzavod» JShS sút jáne sút ónimderi, irimshiktiń birneshe túri usynyldy. «Hımık» JShS men «Kolos» JShS satýǵa arpa, shóp jáne saban ákeldi.

«Senbi kúni bazarda et 2200-2300 teńgeden bolsa, munda sıyr eti 1900 teńgeden, bul jaqsy baǵa», - deıdi Zerendi aýylynyń turǵyny Vera Gýst.

Aıta ketsek, bul jolǵy jármeńkede saýda-sattyqtan bólek, koronavırýstyq ınfektsııaǵa qarsy vaktsınatsııalanǵan aýdan turǵyndary arasynda lotereıa oınatyldy. Utysqa Zerendi, Malık Ǵabdýllın jáne Aıdabol aýyldarynyń turǵyndary ıe boldy.

«Jármeńkede óte joǵary deńgeıde ótti. Azyq-túlik baǵasy arzan, Men sábiz, maı, qaımaq, jumyrtqa satyp aldym. Keler jármeńkege deıin azyq-túlik qoryn jasap aldym», - deıdi aýyl turǵyny Nadejda Mıhaılovna Okolzına.

Jalpy, jármeńke barysynda 12 mıllıon teńgeniń ónimi saýdaǵa shyǵaryldy.