Aqmola oblysynda qutqarýshylar Nura ózenine sýǵa ketken adamdy izdestirýde
KÓKShETAÝ. QazAqparat - Aqmola oblysynyń Tselınograd aýdanynda sýıtsıd jasamaq bolǵan 56 jastaǵy áıel izdestirilýde. Bul týraly aımaqtyq TJD baspasóz qyzmeti habarlady.
«Maýsymnyń 10-y kúni saǵat 15:10 shamasynda R.Qoshqarbaev aýylynda 1960 jylǵy áıel adam Nura ózenine batpaq boldy degen aqparat tústi. Osyǵan oraı izdestirý jumystaryna Aqmola oblystyq TJD jedel qutqarý otrıadynyń jeke quramynan 2 adam jáne 1 arnaıy tehnıka, Astana qalasyndaǵy «Ortalyq óńirlik aeromobıldi jedel-qutqarý otrıady» MM jeke quramynan 3 adam jáne 1 sýda júzý quraly tartyldy. Іzdestirý jumystary nátıje bergen joq», dep kórsetilgen habarlamada.
