Aqmola oblysynda «Qurban aıt» onlaın rejımde ǵana ótedi – qaýly

NUR-SULTAN. QazAqparat – Aqmola oblysynda 15 shildeden bastap karantındik shekteýler kúsheıtiletin boldy, dep habarlaıdy QazAqparat tilshisi.

Óńirdiń bas sanıtar dárigeriniń jańa qaýlysy boıynsha óńirde qoǵamdyq tamaqtaný nysandary men úı ishinde otbasylyq toı-jıyn men eske alý sharalaryn ótkizýge salynǵan tyıym jalǵasatyny aıtylǵan.

Parkterge, alańdarǵa, skverlerge jáne halyqtyń basqa da demalys oryndaryna úsh adamnan aspaıtyn toptarmen nemese bir otbasy múshelerimen áleýmettik qashyqtyqty saqtaı otyryp, jeke qorǵaný quraldaryn paıdalaný arqyly barýǵa ruqsat etiledi.

«Aýdandar men Kókshetaý, Stepnogorsk qalalarynyń ákimderine kópshilik is-sharalardy, otbasylyq is-sharalardy jáne adamdar kóp jınalatyn ózge de is-sharalardy, onyń ishinde úıde, sondaı-aq ashyq aýada ótkizýge tyıym salýdy qamtamasyz etý tapsyrylady», - dep jazylǵan qujatta.

Oıyn-saýyq mekemeleriniń (túngi, oıyn klýbtary jáne basqalary), býkmekerlik keńselerdiń jáne eresekter men balalarǵa arnalǵan basqa da oıyn-saýyq mekemeleriniń, kalıan mekemeleriniń, onyń ishinde qoǵamdyq tamaqtaný obektileri janyndaǵy mekemelerdiń qyzmetine tyıym salynady.

Al Ashyq jobasyna qatyspaıtyn oryndarda kórmeler, marafondar, merekelik korporatıvter, eske alý ótkizýge de tyıym salynady. Ashyq júıesine kirmegen oblysaralyq, oblysishilik, qalalyq turaqty jáne turaqty emes avtobýs tasymaldaýshylarǵa týrısterdi tasýy, oıyn alańdary, attraktsıondar men jabyq úı-jaılardaǵy batýttar qyzmeti epıdemıologııalyq ahýal turaqtanǵansha toqtatylatyn boldy.

Bılıard, karaoke, kompıýterlik klýbtar, banket zaldary, boýlıng klýbtary, mádenı nysandar, kınoteatrlar, teatrlar, kontsert zaldary, fılarmonııa mekemeleri, jabyq jaǵajaılar jáne akvaparkter de qyzmetin ýaqytsha toqtatpaq. Al sporttyq is-sharalar kórermensiz ǵana ótkizilýi kerek. Al poıyzdar ortaq vagondarǵa adam almaı qatynaı alady.

Qaýlyda oblystaǵy dinı oryndarda ǵıbadat jasaý úshin ǵımarat ishinde ár adamǵa 4 sharshy metr aýmaq qamtamasyz etilip, adam sanyn 30-dan asyrmaı, maskalyq rejımdi saqtaý otyryp ruqsat beriletini aıtylǵan.

«Qurban aıt» merekesin atap ótý is-sharalary tek olnaın rejımde iske asyrylsyn», - dep jazylǵan qaýlyda.

Qaýly 15 shilde kúni saǵat 00-den bastap kúshine enedi. Qaýlynyń tolyq mátinimen myna jerde tanysýǵa bolady.