Aqmola oblysynda qurama jem zaýyty salynyp jatyr
KÓKShETAÝ. QazAqparat – Aqmola oblysynyń Esil aýdanynda «Raý Agro» JShS qurama jem zaýyty men astyq qoımasynyń qurylysynyń qurylysy aıaqtalýǵa jaqyn. Nysandy jeltoqsan aıynyń sońynda tapsyrý josparlanǵan, dep habarlaıdy QazAqparat tilshisi oblystyq ishki saıasat basqarmasyna silteme jasap.
Jobanyń quny 648 mıllıon teńgeni quraıdy. Nysannyń jyldyq qýaty 2,5 myń tonna ónimdi quraıdy.
«Zaýyt qurylysy ótken jyldyń aqpan aıynda Esil qalasynda qolǵa alyndy. Qurylys jumystary barysynda ákimshilik ǵımarat, astyq quıatyn shuńqyr, eki qoıma salyndy. Zaýytta joǵary surypty maly azyǵy shyǵarylady. Mal azyǵy túıirshik jáne qum tárizde shyǵarylady, quramynda aqýyz-dárýmen-mıneraldy qospasy bolady», - dep atap ótti aýdan ákimdigindegiler.
Qazirgi kezde, zaýytta on jumys orny qurylyp otyr. Zamanýı zaýyt kompıýter arqyly basqarylady, joǵary tıimdi qondyrǵy ornatylǵan, astyq keptirgish, elevator, shıkizat pen daıyn ónim qoımasy bar.
Aıta ketsek, atalmysh joba Indýstrııalandyrý kartasyna engen jáne «Agrobıznes-2020» jobasy arqyly júzege asyrylýda.
