Aqmola oblysynda qurama jem zaýyty salyndy

KÓKShETAÝ. QazAqparat - Býrabaı aýdanynyń Atameken aýylynda iske qosylǵan quramajem zaýyty tolyq qýatynda jumys isteýde, dep habarlaıdy QazAqparat tilshisi.

Zaýyttyń qurylysy úshin «Ábdirahmanov» jeke kásipkerligi joba boıynsha 47 mıllıon teńge qarjy jumsaǵan. Kásiporyn basshysy Boltabek Ábdirahmanovtyń aıtýynsha, zaýytta saǵatyna bes tonnaǵa jýyq quramajem shyǵarylady. Óndiris tolyq avtomattandyrylǵan, sheteldiń «Buschloft» jabdyǵy ornatylǵan.

«Óndiristiń negizgi kezeńinde shıkizat quramajem retinde qaıta óńdeledi. Shıkizatty qabyldaý, tasymaldaý, ornalastyrý jáne saqtaý, daıyn ónimdi jiberý tolyǵymen avtomattandyrylǵan. Joba quramajem óndirisin jáne Býrabaı aýdanynda mal sharýashylyǵy salasyn damýda úlesi zor bolmaqshy», - dep atap ótti Boltabek Ábdirahmanov.

Búgingi sharýashylyqta 568 iri qara bar, onyń basym kópshiligi sımmental sıyrlary. Sonymen birge, júzden astam jylqy ósiredi. Sharýashylyq buǵan deıin quramajemdi satyp alsa, endi ózderi shyǵarýda.