Aqmola oblysynda quny 678 mln teńge orman qory ýchaskesi memleketke qaıtaryldy

KÓKShETAÝ. QazAqparat - Aqkól aýdany prokýratýrasynyń aralasýymen quny 678 mln teńge bolatyn 118,9 ga jer – saýyqtyrý, týrıstik jáne sporttyq maqsattar úshin uzaq merzimge paıdalanýǵa berilgen orman qory ýchaskesi memleketke qaıtaryldy, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.

«Ýchaskeler 2016 jyldan bastap kózdelgen maqsatta paıdalanbaǵan, jaldaý aqysy tólenbegen. Sonymen qatar kásipkerler orman órti qaýpiniń joǵary bolǵanyna qaramastan, onyń aldyn alý boıynsha is-sharalar júrgizbeı, órtke qarsy josparlar ázirlemegen. Joǵaryda atalǵan mán-jaı aýdan prokýratýrasynyń aktisi boıynsha sharttardy buzýǵa negiz bolǵan. Jalpy quny 678 mln teńge bolatyn 118,9 ga jer telimi memleket menshigine qaıtaryldy», - dedi vedomstvodan.

Aıta ketsek, budan buryn Qosshyda 65 mln teńgeniń jer ýchaskesi memleketke qaıtarylǵanyn jazǵan edik.