Aqmola oblysynda quny 204 mlrd teńgeniń qus fabrıkasy salynbaq
KÓKShETAÝ. QazAqparat - Aqmola oblysynyń ákimi Málik Myrzalın Ulybrıtanııa eliniń ınvestorlarymen kezdesti, dep habarlaıdy QazAqparat tilshisi ákimdiktiń baspasóz qyzmetine silteme jasap.
Kezdesýde Global Project Capital LTD (Ulybrıtanııa) kompanııasynyń bas dırektory Kennet Fýlton aımaq basshysyna qýaty 200 000 tonna bolatyn qus fabrıkasynyń qurylys jobasyn tanystyrdy. Jobanyń quny 600 mıllıon AQSh dollaryn (204 mıllıard teńge) quraıdy. Ony «FORUM AGRO» JShS júzege asyrmaq.
Aımaq basshysy jobanyń Astana qalasy aınalasynda azyq-túlik beldeýin qamtamasyz etýdegi, sondaı-aq óńirdiń eksporttyq áleýetin arttyrý baǵytyndaǵy mańyzdylyǵyna erekshe toqtaldy. Málik Myrzalın atalmysh jobany júzege asyrýda barynsha qoldaý bildiretinin atap ótti.
